為了實現媽媽遺願，我成為了女兒國唐僧: 332

我：「唔好咁狹隘啦，世界上唔係剩係得返佢。」
健：「無計，望完佢嘅背影之後，就一直喺我腦海入面揮之不去…」
那條唔知有無P過嘅纖腰，一頭濕漉漉嘅長髮，一塊有彈性嘅美臀，重有長腿…如果我同佢講周不時睇住呢個背影吹頭佢會唔會將我大卸八塊？
我：「人比人比死人…又唔知前面係點。」
健：「我寧願佢唔好太靚，如果前後都咁完美有乜可能睇得上我喎。」估唔到佢喺呢方面咁有理智，呢個都係我煩緊嘅問題，而且佢學業成績重好好，屋企『原本』好有錢添，相比之下我哋呢啲用蟻民嚟形容都實在唔誇張。
健：「係呢，你成日話溝女要膽生毛而且厚面皮，其實我係咪應該直接同佢表白？」
我：「唔好呀！…識咗唔係好耐啫，可能佢都無諗過呢啲嘢…咁突然可能嚇親人，你要知道，block一個網友無成本㗎，唔同現實會面阻阻，當無嘢發生過就得。」哎呀，唔好煩我得唔得呀，一嚟我唔想QQ難做，二嚟都唔想呢條廢J傷心。
健：「咁究竟我重可以做啲乜，除咗一齊打機。」
可以養佢，如果你買得起間大屋，每日提供五星級膳食…假如佢day one嚟搵我嘅話，而家我已經包起咗嚟做，睬你都傻。
我：「其實…聽佢把聲都好似好細路女咁，可能根本就無諗過愛情呢個問題，所以就唔存在話你有無機會呢個諗法，你諗下喎，如果佢同我哋差唔多大，有幾多個人拍過拖啫，而且佢又話佢屋企管得嚴，咁佢有乜可能會對男仔有興趣？」




健：「你都講得啱…一日最衰都係你呀！成日同我講約個三唔識七嘅女網友出嚟揸波波，又同大波姐姐玩埋晒啲變態遊戲，同妹妹仔衰十一！」
我：「殊！咪咁大聲呀…呢度好多人㗎…」
健：「哈，你都怕俾人知嘅咩，都唔明你個仆街仔點解會咁多豔遇，又唔係又錢，讀書又唔叻，樣同我差唔多啫，除咗高我3cm之外…都唔知我有乜係比唔上你。」你條粉腸其實係咪全心想嚟踩我？
如果同你講埋Angel的故事我驚你要憾頭埋牆添。
我：「無呀…彩數問題掛。」
健：「睇到你得意洋洋個樣就好想打死你！」
我：「我覺得…你都係諗下點同Kuromi做朋友先啦，如果佢本身係無心識男仔，你突然之間做啲奇怪動作盞令佢避開你。」