thriXt Qantasy 純文字安眠之作 (New: - U2K - 一直上架): 325

Q：「仆街仔！有人搵你呀！」
我：「係係係！邊個…？」
唔好諗住Queenie淨係嗌我咁簡單，伴隨住佢嘅聲音，一隻化骨綿掌直插入我條腰度，真係不省人事都會迴光返照。
「你好呀，我係社長，想嚟問下你今年陸運會會參加啲乜嘢活動呀？喺度填完簽返個名就得。」
係喎，下個禮拜就係一連兩日嘅陸運會，不過對我嚟講只可以算係半個假期。
我望住所謂嘅社長，好似有啲印象，但我識佢老鼠咩，年年社長都換人㗎啦，不過今年呢個好似好hard sell咁嘅，但係對住我，是沒有用的。
我：「NO NO NO，我無諗住玩。」
我一於耍手擰頭，斬釘截鐵。
「唔好咁啦，呢位同學，睇你都生得幾高大，骨格精奇，BMI喺理想水平，應該有機會攞牌嘅。」
我：「呢個唔係牌嘅問題，係我唔想煩。」




我喺學校從來都低調，唔似得啲要年年攞牌扮晒嘢讕型為咗溝女嘅風頭躉，如果可以嘅話我想返嚟學校乜都唔使諗唔使做，QQ嘅出現已經係一個好大嘅意外，搞到我生活唔同晒，我唔想再有啲乜改變…
「唔煩㗎，我哋會幫你安排好晒，嗰日落場玩一陣就得㗎喇，你嗰日都要返學嘅，咪當落去行兩個圈囉…」妖，十足十啲健身中心或者清卡數咁煩…
健：「你就唔好迫佢啦，呢條友虧㗎。」
死人健無端端行咗埋嚟，都唔知佢係想幫我定潤我，我諗係純粹嚟攪事，是但啦。
我：「係呀，我虧㗎，好抱歉幫唔到你。」
「無理由㗎喎，唔做唔知身體好呀，係咁意報一樣玩下啦，玩過先知虧唔虧㗎嘛。」
我諗對住呢啲煩膠，唔拍抬佢都係唔會走，但咁多人我又唔好意思做啲咁嘅嘢，尤其係我唔知道QQ會點睇我呢啲行為。
Y：「吓？咁後生就虧真係無陰功咯，估唔到你牛高馬大原來係無㞗用嘅，慘慘豬。」
呢個Yvonne…本身同佢關係就唔係好，平時無乜兩句，而家整句咁嘅頂心杉過嚟係乜嘢意思呀？我有無㞗用都唔關妳事啦，定係妳想用下呀，我中出口爆再顏射埋妳個賤女人都重得呀！當然…呢句嘢我諗我呢世都唔會有機會對佢講出口。不過呢，我諗係佢見到我同Queenie關係好咗，平時有講有笑，可能就係因為咁而有啲唔妥我。
呢啲八婆真係好麻煩，重要成堆人圍住我討論我虧唔虧到底係乜意思…