為了實現媽媽遺願，我成為了女兒國唐僧: 252

健：「不如下次你都一齊玩啦，幫我助攻都好。」
我：「又搵我做坦克？咪搞，唔同你爭女已經好畀面，重要搵我笨…」
健：「唔係講呢種呀，係幫我講下好說話，等佢對我有多啲好感，加下印象分。」
我：「點呀，你三殺就讚你好威威，四殺就要讚你好型仔呀？人哋自己睇到啦。」
健：「咁可以講下其他嘢嘅。」
我：「讚你好靚仔，喺學校點樣溝死女？我唔係基佬呀，諗起都想作嘔…」
健：「喂…唔幫手都唔好搞破壞好喎。」
我：「佢有興趣自然會瞭解你㗎啦，唔好咁假得唔得，邊有男仔會無神神美言自己個friend㗎。」
健：「最衰都係你，唔係你拉佢一齊玩，我又點會遇到佢，搞到我咁煩。」
我：「你…係咪姓賴㗎，想撩架打呀？」




健：「鬼得閒同你打，係呢，你放假落嚟溝女？」
我：「我係落嚟玩，唔係溝女，you see，成個球場一眼望晒，有無女吖？」
健：「咁你個Carmen同Mandy咪又係喺度識。」
我：「你知唔知幾高難度？你試下日日落嚟蒲幾粒鐘吖，可能十日得一日有女㗎咋，分分鐘重要係其他仔帶落嚟曬命，有得睇無得溝，慳返啖氣吧啦。」而且係因為Carmen先識到細蚊。
健：「咪好似你以前咁囉，抵你戴綠帽。」
我：「唔揼㞗你都唔得嘅！」一嘢揼落佢大髀。
健：「Oosh！…咁你唔諗住溝女嗱？」
我：「唔住喇，抖下先，拍拖好麻煩。」
QQ一日喺度，睇怕我都唔使諗住，除非…QQ直接叫我收皮啦，咁嘅話我即刻約細蚊上嚟喺正佢面前扑添呀！不過呢，而家同佢相處得咁好，呵呵…
健：「啊啊啊！有message呀！」




K：『我今日學長笛，八點後online找你吧。』
右女神，吹簫就吹簫啦，長乜鬼笛啫。
健：『好呀，一陣見。』
我：「開心啦，人哋覆你嘞。」
健：「嗯，咁唔講住喇，我攞啲嘢返屋企先，你今晚都一齊玩啦。」
我：「知喇，你小心啲同人講嘢呀。」
QQ覆佢，咁睇嚟佢都拍完拖就快返屋企，我都要返去迎接右女神先，攪咗一日佢一定好攰攰豬，我要燒定水幫佢沐浴更衣潔淨一下佢個身體。
講下笑啫，小弟連䚎佢沖涼都唔敢啦，女神啲脾氣難以觸摸，多一事不如少一事，平時佢換衫有得望下已經好開心，實在無謂跳入雷池同虎穴。
今晚八點要陪佢哋打傳說，電話要差足電先，一路差一路玩好影響手感同靈敏度，不過QQ部iPhone就無乜影響，又或者我睇佢玩見唔到有分別，一分錢就真係一分貨，Steve Jobs你係得嘅，記得喺下面要送部電話畀我媽咪呀。