為了實現媽媽遺願，我成為了女兒國唐僧: 246

我：「吓…無嘢呀，妳啱啱先同男朋友開心完咋喎，咁都寂寞嘅話其他女仔唔使做人啦。」
Q：「你都唔明，咩嘢完之後…得自己一個人，呢種感覺唔係幾好受吖嘛。」講完之後佢唔理我打緊機，繼續撓隻手入嚟我條腰度。
喂…女神，妳到底當妳條仔係乜？又當我係乜？係咪因為寂寞就是但攬一件都得…雖然，之前聽過佢講同條仔嘅感情都係麻麻地，似係有拖就拍住先嗰種。
咁樣，妳係咪純粹喺度消費我哋，只係想任性咁俾人惜，嗱，真係唔係幾好喱，如果係咁，我…唯有逆來順受啦！
我：「點呀，使唔使又幫妳洗底褲呀？」
好彩我重未開機，因為我都未執夠衫入去。
Q：「唔使喇，頭先…咪一早除咗囉。」
是但啦，反正上面都飛緊釘，著唔著底衫褲呢啲好閒啫，因為我自己都無著。
我：「咁使唔使幫妳洗面褲呀？」
Q：「唔使呀，好乾淨，你話我所有嘢都係純潔㗎！」佢講完就晾咗一隻腳上我大髀度。


我：「女神妳想點呀？」
Q：「我都唔知。」佢扁嘴對住我。
我：「乖啦，聽朝就有男朋友喇，有人同妳抱抱。」阿健啱啱打爆咗對面個水晶，我終於可以抖下，用左手圈返住佢背脊摸摸佢啲頭髮。
Q：「哼。」我…應該無做錯嘢，重想點？
唔通好想要？唉，妳估我唔想要？係因為打機令我分咗心咋；要忍住，有啲嘢做咗就返唔到轉頭，我同妳嘅關係並唔係咁㗎；做愛其實無乜大不了，但做咗又點？以前細蚊夠日日上嚟同我做啦，但之後呢？我有珍惜過咩？佢有放過我喺佢心上面咩？我反而，而家重珍惜同佢呢種似係朋友嘅關係。
Q：「等我執下相先啦。」
我：「妳咁靚唔洗P啦，冬天衫都無乜好P。」
Q：「你理得我吖，我著泳衣都可以唔P㗎啦。」
我：「咁又係，心口事業線天然陰影贏晒。」
Q：「你…鍾意大波妹？」


我：「唔係一定嘅，整體靚係最重要。」
Q：「其實，我算唔算好靚女？」
我：「邊有人咁樣直接問㗎，雖然好靚女…」
Q：「成日照鏡對住自己會麻目，無乜感覺。」
我：「我諗，心入面靚比較緊要嘅。」
Q：「男仔真係會咁諗嘅咩？」
其實呢…論扑嘢嘅話就真係睇樣同body㗎咋，最多參考埋相對濕度，把聲同埋表情；但我發覺，同QQ日日由朝對到晚耐咗，同一個女仔一齊生活，佢嘅內在實在係非常重要。
我：「因為無得P吖嘛，唔似妳肚仔啲陰影。」