為了實現媽媽遺願，我成為了女兒國唐僧: 238

我：「妳又話要去屙珠珠，重企喺度做乜？」
Q：「等你去完先我再去。」
我：「妳企喺度我點樣去喎…」
我隻手放咗喺拉鍊上面，一直拉唔到落嚟。
Q：「吓？你敢喺我面前射精，唔敢喺我面前屙尿？唔會係咁樣呀嘛？」
我：「呢個唔係敢唔敢嘅問題，係妳咁樣望住我，我會緊張，就會屙唔出。」
Q：「咁妳會唔會因為個女仔望住你而射唔出精？咁你同細蚊點做愛㗎，係咪要矇住佢對眼，定係一定要後入？」
我：「哎呀，兩樣嘢都唔同，邊可以比較㗎，我好急呀，妳去唔去都好，唔好企喺我隔籬攪到我屙唔出啦。」
Q：「屙唔出咪即係唔急，唔使去住囉。」
我：「呢啲乜嘢道理嚟…呀，算，我入去廁格屙。」


我靈機一觸，諗起入去廁格屙就可以避免騷擾。
Q：「一早就應該啦！尿兜會彈到成身都係㗎，咁污糟我點攬住你呀？！」
早講嘛…原來妳係擔心呢樣嘢，不過諗落尿兜又實在唔太衛生，有時急得滯屙得太大力真係會feel到手背濕濕地…如果係咁，我以後唔可以用尿兜？
入咗廁格後，QQ就入咗隔籬嗰格，我哋兩個一齊屙珠珠，互相聽住大家啲殊殊聲；其實又好閒嘅啫，你估平時喺屋企去廁所會聽唔到咩，不過一齊屙尿就真係第一次。
我去完之後就出返去先，聽到QQ重喺度滴緊啲水尾，我就洗手先，跟住QQ都屙完出返嚟。
我：「妳唔洗手？」
Q：「又係你話女神嘅所有嘢都係清純潔淨嘅？」
我：「咁…我無所謂嘅，妳鍾意啦。」
Q：「你就想呀，咁神聖點可以益你。」
結果佢就喺男廁入面去完殊殊洗手。


Q：「唏！唏！呵！」
佢將隻濕滴滴嘅手上面啲水拂落我塊面度，搞到我塊面濕晒。
我：「妳…係咪以為自己重係小學生？」
Q：「係呀！我係小學生細路女。」
我：「服咗妳，小妹妹係咪今日玩得太開心？」
Q：「順便幫你洗面咋嘛，污糟貓。」