為了實現媽媽遺願，我成為了女兒國唐僧: 237 沙灘男廁的沒有激情

其實我唔係幾清楚佢想多謝我啲咩，不過唔重要啦，我哋嘅關係，除咗互相感激重可以做啲乜吖…喺以後嘅日子入面，我哋仍然要一同扶持大家嘅生活，融洽嘅關係對我哋嚟講係非常重要。
慢慢咁，我哋就行過咗碎石路返返去沙灘，我放返低佢喺地下同佢拖咗手一齊行。沙灘上面重未走嗰對情侶都重喺度，兩個人坐咗喺沙灘上面，個男嘅就喺底望住個大海，個女嘅就著住裙反扣男仔條腰坐喺佢嘅大髀上面；可能怕俾我同QQ望到佢個樣，就收埋塊面喺個男嘅膊頭度。
至於下半身有無發生啲乜，就不得而知了。
我哋上返石屎地，QQ就攞返佢對鞋，其實我心諗好彩呢個灘得小貓三幾隻，如果夏天喺啲大灘放對咁貴嘅鞋喺路邊真係兇多吉少；然後佢就喺個沖身花灑度洗走隻腳啲沙，用紙巾嗦走啲水，著返對襪，再著返對鞋；而我就由於一直都著住鞋，所以除出嚟蹬下啲沙就得，再洗洗隻污糟手。
Q：「你唔係要洗埋塊面咩？」
我：「唔使，已經俾妳洗乾淨咗。」
Q：「㖿，你好鬼污糟呀！」
我：「點會，女神嘅一切都係純淨而神聖嘅，使人如沐春風，精神抖擻，活色生香。」
成日對住佢，發覺要用啲四字詞語entertain下佢…
Q：「係呀？你信唔信我要你攤喺度等我喺你上面屙尿吖嗱？」QQ望住我奸笑。


搞乜鬼…今日女神好似high high地，十足十大卡車上身咁嘅，其實…我又唔係玩唔起嘅…
我：「女神大恩大德，小弟實在受唔起，心領了。」
Q：「屌！重有呀，有活色生香你就攞畀沙灘嗰pair情侶啦，唔使同我講呀。」
原來QQ都知道活色生香係咩，我重以為佢剩係知道啲大牌子，貴一貴超薄嗰啲。
我：「無呀，有人唔俾我用呀…呀…我想去個廁所先，妳喺度等一等我。」
點知，QQ著返鞋之後就跟住我行。
我：「喂…呢度男廁嚟㗎，妳入嚟做乜？」
Q：「去廁所梗係嚟屙珠珠㗎啦。」
我：「女廁喺隔籬喎…」
Q：「得我一個好驚㗎嘛，如果有鬼，如果有蜘蛛咁點算喎，同埋而家都唔會有人㗎啦。」


我：「沙灘嗰pair唔係人係鬼嚟。」
Q：「係人係鬼佢哋都唔會敢行過嚟啦，佢哋有佢哋嘅嘢忙。」
我：「好喇好喇，咁妳快啲去啦。」
點知佢企咗喺隔籬唔郁望住我。