為了實現媽媽遺願，我成為了女兒國唐僧: 206

係咪好羨慕？聽就梗係好似天堂咁，實際情況呢，其實並唔係嗰一回事嚟㗎，日日望住佢啲底衫褲係會一早就厭咗，你估有漬底褲奶味胸圍真係咁正呀？係要幫佢洗㗎，有時啲淺色底褲揩到啲M血，又要特登幫佢處理，喺垃圾桶又會見到佢啲M巾，可能有啲人聽到會好興奮，但我實在係未至於咁變態；睇得聞得唔食得有乜用吖，我望住佢條帶有新鮮分泌物嘅底底，決心唔聞直接掉落洗衣機入面，終有一日要聞就直接嗦塊真嘢！
然後我攞住佢啱啱除出嚟嗰對重暖嘅白色學生襪…嗯，唔臭嘅，有啲腳味，好難形容，就係嗰種聞到就分得出係企理學生妹嘅味…嗱，我唔係變態呀！我只係關心佢隻腳板仔嘅健康程度，雖然佢係一個名乎其實嘅港女，但都無理由要佢有香港腳㗎…
我開始覺得，佢一嚟住就掉晒啲底衫褲畀我洗絕對係一個局嚟，因為佢知我係一個熱血方剛嘅少年，對住少女嘅貼身衣物一定會無晒防禦力而乖乖就範，當我開咗個頭成為習慣就好難改變，咁佢就可以做少好多嘢；呢個奸狡嘅女人實在機關算盡，老謀深算，深不可測，居心叵測，中居正廣…唉，講到底我就變咗一個要幫女仔洗底底嘅悲劇少年，可惜我又唔係一個賣原味底褲的男孩。
然後QQ沖完涼個人香噴噴咁出返嚟。
我：「Queenie，我哋聽日係咪去食餐好呀？」
Q：「嘻嘻，你係咪好想約我啫？」
呢個女仔真係夠晒古靈精怪，妳自己都有男朋友啦，有需要因為我約妳而開心咩？
我：「日日都喺屋企對住㗎啦…重有乜約唔約喎，只係第一次出咗糧，新年同妳食返餐慶祝下。」
Q：「OK呀，聽日條仔未放假，我全日都得閒。」
雖然聽到佢OK係開心，但聽到佢提起條仔就唔開心…




Q：「咁你想食乜，帶我去邊呀？」
佢咁講，令我有咗約女仔去拍拖嘅感覺，雖然我知道唔會係真；諗返起以前同細蚊拍拖，都係約佢去附近嘅商場等，食M記，大家樂，屋邨茶餐廳，最多都係陪佢去旺角無聊行下買下小飾品扭隻蛋咁；而家嘅我，應該可以做多啲更有意義嘅事。