為了實現媽媽遺願，我成為了女兒國唐僧: 178

我：「我唔知…佢無反抗，但都無乜表情，我知佢應該唔多想，所以就放返開佢…明明…喺網上面同佢打字講嘢佢都話有時會濕，重話會摸自己對波同下面，我以為…佢會鍾意我惜佢…」
Q：「傻仔…網戀同現實係兩回事嚟㗎。」
我：「妳又話未試過，妳點知喎？」
Q：「靠感覺囉，我都係女仔嚟㗎嘛。」
我：「嗯，之後都差唔多夠鐘，咪送佢返屋企囉，一路上佢都無乜講嘢，我唔知佢係唔開心定嬲，我唔知點做亦都唔開心，又唔敢拖佢…返到屋企之後佢都有同我chat嘅，但就冷淡咗好多。」
Q：「哈哈，人哋可能嬲你點解唔再下一城同佢打埋茄輪摷濕佢下面咋，懷疑緊自己係咪吸引唔到你所以feeling so sad。」
我：「妳唔係講真呀？」
Q：「好難講㗎，有時女仔諗嘢好奇怪，可能真係會因為俾你推咗上床而鍾意你，不過，你抽完水起碼都唔使蝕吖，就算衰咗。」
我：「妳估個個都係妳咩，女皇，我唔想咁細個就俾人告非禮喎…」
終有一日到妳單身之後我要推妳上床一次，無論有無後續都好，就睇下妳乜Q反應！




Q：「喂喂喂！乜嘢都係我呀？你唔好咁睇我呀，打扁你㗎，繼續講落去啦。」
我：「我知道唔對路，咪唔敢再咁快約佢囉，諗住再喺網上面炒返熱個好氛先，但無論我點chat，再努力咁嘗試，以前明明可以氹到佢好開心講嘅嘢，都已經唔再有用，我都唔知可以點樣挽救我哋嘅戀情，剩係識睇住我同佢嘅關係慢慢結冰…過咗兩個禮拜，佢有一日無端端叫咗我出旺角…」
Q：「嗯？咁神奇。」
我：「嗯，我哋約咗喺地鐵站見面，佢話佢約咗friend行街，但帶唔夠錢，於是問我借咗百五蚊，我就借咗畀佢，然後佢就話下次先再同我出嚟。」
Q：「咁然後呢？」
我：「然後…就沒有然後了，佢從此就喺我嘅生命入面消失得無影無蹤。」
Q：「唔好咁灰啦，咪當請佢食餐飯囉。」
我：「我唔係灰呢樣，其實百五蚊就有得隔衫揸下波都幾抵嘅。」
Q：「係囉，知你養我辛苦喇，最多我每次問你攞家用嘅時候都畀你揸幾嘢嘞。」
鳴鳴…右女神嘅家用…一齊住咗咁耐，我哋早就變咗屋企人，重要畀家用添，確實同一對新婚夫妻無乜分別，只不過…女神妳唔好咁益我啦，有得揸無得食，我咪盞重更加辛苦。




我：「唔好講呢啲啦…只係我會諗，如果俾我重新再嚟多一次，我會好好handle同佢嘅關係，唔會令佢唔開心，至少都可以繼續做返朋友，咁就唔使對佢唔住。」
Q：「你而家梗係可以咁講，唔係有Carmen姐姐同細蚊，你又點識呢啲嘢呢。」
我：「係嘅，尤其係Carmen姐姐，佢真係教曉我好多。」
Q：「都話咗你係鍾意姐姐㗎啦，佢點教你呀？」
我：「太多喇，最緊要係話畀我知對住女仔要講啲乜，乜嘢係唔講得，有時我講啲嘢唔啱聽佢分分鐘會兜巴車落我度…」
Q：「點解聽落係似玩緊SM多啲嘅。」
我：「我都唔知，佢係好黐線㗎，不過同我講嘅嘢都係無錯嘅。」
Q：「算啦，聽完故仔，你繼續開車啦。」