為了實現媽媽遺願，我成為了女兒國唐僧: 163

QQ喺廁所入面鬼殺咁嘈，我又行去睇下可以點樣幫到佢。
我入埋去，同佢一齊平排望住塊鏡，然後縮低自己個人令到我哋一樣咁高，又真係剩係望到下巴咋喎，連條頸都睇唔到，何況胳肋底呢？
Q：「頂你，我要踮高先䚎到自己胳肋底，點剃呀？係咪玩嘢，做乜裝到個鏡櫃鬼死咁高？」
呢個時候QQ已經除走咗佢件hoodie，得返件白色背心掛喺身上面，我諗係佢啱啱換上身嘅，而入面就…當然大家都懂無謂提就最好；我喺鏡入面望住佢個傻豬樣，舉高隻手露出個雪白嫩滑嘅胳肋底，同埋上面啱啱生咗出嚟無幾耐嘅小草皮，大概半cm到一cm咁，再加埋佢個心口…我下半身就唔爭氣咁有咗反應；其實呢，我而家日日對住佢已經無咁易有過激嘅反應，通常喺個心背默幾句中文書就會平復返；但佢呢個動作，實在係令我不能自拔，下半身係立即歇斯底里咁反應出嚟，甚至係唔想主動克制佢。
反正…大家都明白…
我：「我同我老竇都高…我諗，佢驚擦牙烏低身啷口撼到個頭，所以咪整高啲囉，呢個櫃上年先換㗎咋，欸…一係我擔張凳仔過嚟畀妳踩上去嘞。」
Q：「咪玩啦，咁鬼死牙煙。」
我：「一係攞晒啲教科書嚟墊高妳囉…」
Q：「我係唔會踐踏學術㗎。」
我：「咁妳想點？用返妳平時化妝個鏡盒囉…」




Q：「我點樣可以一隻手舉高，一隻手攞鏡，再一隻手揸住把剃刀？」諗落又真係好高難度。
我：「咁好簡單啫，用第三隻手咪得囉。」
Q：「你係咪唔屌唔鬆化？」女神今日咁爛口嘅…
我：「最多…我做腳架幫妳攞住塊鏡喇。」
Q：「唔使呀！麻鬼煩，嗰塊鏡咁細角度又唔啱，你直接幫我得喇。」
吓？！乜叫直接幫！？