thriXt Qantasy 純文字安眠之作 (New: - U2K - 一直上架): 130

Q：「呢個…Carmen姐姐係乜嘢意思？」
我：「嗯，好問題，我都唔係幾理解到。」
Q：「睇嚟係佢覺得你有需要用到咁喎…」
我：「未必嘅，可能放喺傷口上面有安全作用呢，即係有個圈…軟軟哋咁頂起傷口上面嘅嘢。」
Q：「交叉仔你都幾好想像力㗎喎…但係，你小兄弟好似唔係幾同意你嘅講法咁喎，睇下佢幾生猛…好似想衝出嚟幫自己著返件衫咁。」
唔知點解，望到塊durex我就變得如箭在弦。
我：「無嘅，應該唔關事，朝早佢係曳啲…」
Q：「無計啦，你聽Carmen姐姐話令佢停工五日，唔多唔少都有啲投訴㗎喇。」
我：「吓…妳連我幾多日無J妳都知？」
Q：「咁一齊住…呢啲嘢好難唔知嘅。」




我：「乜喎，妳又唔係睇住我沖涼，點會知呢？」
Q：「沖涼用咗幾多分鐘，呢啲嘢好死嘅啫。」
我：「QQ妳咁留意我做乜…」
Q：「見到你下面就覺得佢好陰功。」
陰功…就梗㗎啦！日日對住妳呢個靚女，又無得用，點會唔辛苦喎！死人頭Carmen當我係乜，就算我同女神同居都唔一定要輕薄佢嘅啫，做乜要咁睇我，放塊咁嘅嘢喺度搞到我哋咁尷尬，真係不知所謂！
我：「Carmen都亂Q咁嚟，放塊無鬼謂嘅嘢喺度，等我掉咗佢先。」
我執起塊durex落床，正想行去廚房掉咗佢落垃圾桶，QQ喺我後面捉住咗我隻手。
Q：「喂！好歹都要錢買㗎，做乜咁大嘥喎？」
我：「吓…咁妳想點？」
Q：「你用唔著啫，可以畀我用㗎嘛，啱唔啱？」




QQ喺我手上面搶走咗塊durex，放咗入去佢去街常用嗰個包包入面。
我：「妳…要用…」
Q：「做乜呀？我唔可以用得著㗎咩，我都係個正常嘅女人嚟，攞嚟旁下身都好。」
係嘅，妳有個穩定嘅男朋友，周不時都有正常嘅性生活，不停協助某過哥哥仔衰十一…而我，唔好話同妳，就連搵個其他女仔都無，就算去哀Carmen佢都係好堅持要等到我夠秤，呢塊嘢對我嚟講真係無卵用。
“QQ，橫掂都係，擇日不如撞日，我哋不如試下用吖。”
“QQ，我對妳咁好，又咁老友，借妳嚟用下可唔可以呀？我會惜住妳㗎喎。”
“QQ，隔住塊嘢都唔係真㗎啦，我哋純粹交流下體驗下好唔好呀？”
“QQ，我愛妳！我知我無可能…可唔可以當可憐下我畀一次我呀？我係真心㗎！”
我講唔出口…嗚嗚嗚嗚…我唔可以傷害佢。
諗起佢會同條仔用呢塊Carmen為我哋準備嘅心意我個心就哽住哽住，我都好想要呀！好想攬住QQ嘅身體，放少少嘢入去，就算唔郁我都得㗎，嗚嗚嗚嗚；點解個天要咁對我呀，日日諗住佢望住佢搞到我發埋晒嗰啲夢，就嚟人都癲喇！




Q：「拎隻手嚟啦！」
QQ繼續同我拆埋啲紗布，再小心翼翼咁移開個止血包，有啲纖維黐住咗喺個傷口上面，所以都有少少痛；個傷口已經埋返晒，係重有少少腫同變色，望落都無發炎灌膿。
Q：「男子漢大丈夫，無嘢啦。」
我：「但應該會留疤…」
Q：「呢啲嘢留返你下世做女仔先再講啦！」
然後佢將塊大膠布貼落我嘅傷口上面。
Q：「好！搞掂晒，可以正常返學。」
我：「好嘢，唔使再著PE衫俾人笑。」
Q：「乜你care㗎咩…快啲去打飛機啦，我去瞓多陣先，J完叫醒我啦。」
Queenie對我咁好，我點可以諗埋晒啲污糟嘢，肉體關係…只會將我同佢嘅感情破壞殆盡。