為了實現媽媽遺願，我成為了女兒國唐僧: 114

無論點都好，總算叫有嘢落咗肚，希望啲半生熟嘅魚蛋唔會食壞我啦，如果唔係手又傷肚又痛嘅話就真係屋漏兼逢連夜雨，縫門甘恥為君開，抱薪救火猶未及，寒天雪露在心頭；嗯…欸，好似其中有句有啲怪咁嘅…
無事嘅，喺酒樓任食打甂爐咪又係咁；不過呢，都真係要搵個機會教QQ佢煮下嘢，萬一我唔得閒煮佢都唔洗餐餐杯麪吖；重有呀，佢咁嘅款第時嫁唔出點算好喎；話時話，呢個麻鬼煩嘅女人嫁唔嫁得出又關我乜鬼事喎。
「鈴鈴，鈴鈴，鈴…」
Q：「呀，我條仔打嚟…喂，係呀，考晒試喇…」
言下之意就係叫我收聲閃開唔好阻住佢，不過對於呢樣嘢其實我早就慣咗；食完嘢我捧咗隻碗入廚房，我都係左上臂傷咗啫，又唔係隻手掌，洗隻碗同埋個煲呢啲難唔到我嘅…但當我見到個煲底黐底嗰一大堆米粉碎，我不禁有啲卻步；我好想衝埋去QQ張床度除佢條褲打佢pat pat打到喂嘩鬼叫，等佢條仔有得興奮下都好。
關乜事吖，QQ身體真係好正，然後我望到洗衣籃入面佢條未洗底褲上面啲漬，我竟然秒速有咗反應。
唔得㗎，Carmen姐姐交帶落，我唔可以做壞事，我唔想病，而且我個頭重係好鬼死重，一諗到咁條青瓜仔又變返做蠶蟲仔。
最後我都係洗返乾淨啲嘢，同埋自己；不過天氣凍冰冰我隻左手又包到木乃伊咁，所以就唔出涼嘞，用啲熱水洗下塊面同淋乾淨隻腳就算，然後就爬返上自己張床上面繼續休息。
點知隔籬床又傳嚟雀仔嘅清脆叫聲同埋小溪潺潺嘅聲音，實在係令人心亢神移。
我試圖喺部電話度開啲遊戲令自己分心，結果發現都係無乜效用。




過咗陣又回歸返平靜，QQ起身去廁所度整理下，出嚟之後望住攤喺床上面嘅我。
Q：「做乜呀，硬咗嗱？」
我：「無呀…邊係喎。」
Q：「你當我盲㗎？」
講完之後佢瓹咗入嚟我個被竇入面。
Q：「哈哈，出面好鬼死凍呀，你發燒搞到個被竇熱辣辣，好舒服。」
我：「妳過嚟做乜嘢？」
Q：「嚟照顧病人囉。」
我：「啱啱先同條仔謦完電話，轉過頭爬上第二個男仔張床上面，小心激到佢暴斃。」
Q：「唓，咁佢唔知㗎嘛。」




我：「妳呢啲女仔真係好鬼死曳。」
Q：「咁唔滿意我走囉。」
我：「唔好啦…」我捉住咗佢嘅手臂，唔俾佢走。
Q：「如果佢知道我同你住已經夠死得啦。」
我：「咁就千祈唔好俾佢知，我唔想妳死。」
Q：「唓，口花花，快啲瞓覺休息啦…係喇，我條仔聽日都考完試，我約咗佢聽日中午去搵佢。」
我：「聽日係平日嚟㗎喎。」
Q：「係呀，有乜特別？」
我：「平日…咪即係獨留兒童在家囉？」
Q：「妖，佢就嚟十七歲㗎喇，重兒乜鬼童！你唔好成日諗衰嘢啦。」




我：「邊係衰嘢，我諗呢啲叫正常嘢。」
Q：「係囉…我同佢拍咗成年拖㗎喇，呢啲嘢…其實都好正常啫。」
我：「嗯，聽日你哋做愛做的事玩得開心啲喇…」
Q：「你睇下你吖！呢度發生乜事呀？！」
我：「喂！喂…唔好掂我啦。」
Q：「係咪Carmen掂得，細蚊掂得，我唔掂得先？」唔好啦…都濕到出嚟咁滯。
我：「咁唔係嘅…」對住女神怕醜吖嘛。