為了實現媽媽遺願，我成為了女兒國唐僧: 111

我：「好熱咩…但我有啲凍喎…」
我縮喺個被竇入面冚到實一實同佢講，而Queenie就放咗佢隻手上我額頭度。
Q：「頂你！個頭㷫到吖，發緊燒呀你，梗係頭先受咗傷又無衫著吹咁耐風病咗啦。」
佢一路搓我塊面一路講…原來我病咗，唔怪之得我會發惡夢跑來來去兼俾飛機撞，諗落我個頭又真係有啲痛，好似重痛過隻手，只不過頭先所有感官攞晒嚟感受QQ離去而麻痺咗。
Q：「喂，你屋企有無退燒藥呀？」
我：「雪櫃放雞蛋個位好似重有半排，妳去幫我睇睇吖。」講完之後佢就去咗搵。
原來病咗有個靚女照顧自己係一件好爽嘅事，唔使自己郁，可以做返個細路仔，攤喺張床上面撒下嬌，俾人氹下，實在係太幸福。
如果QQ唔喺度住，Carmen同Mandy係咪會送我返上嚟呢，唔知會唔會留喺度照顧我呢，定係Carmen姐姐會掉低Mandy喺度陪我…諗落諗落佢兩個喺度嘅話我應該會更加爽，兩個都係我EX，病咗嘅我應該可以肆無忌憚咁扭下計，要抱抱，要摸摸，要佢哋用身體嚟幫我降下溫。
唔係喎…Carmen話我要清心寡慾，佢應該會冷處理我，可能淋盤冰水落我個頭度…
點解Carmen姐姐頭先要惜我嘅，只係因為想氹返我？定係想玩下我，順便刺激兩個小妹妹呢？不過點都好啦，呢啲小事對架車嚟講真係唔算一件事，幾驚佢會除我條褲嚟呵返我呀…但我又好想摸下啲軟淋淋嘅嘢。


Q：「食藥飲水喇，死仔包。」
過咗一陣QQ斟咗杯水攞埋粒藥行埋嚟，我趌起身用咗五秒鐘就完成食藥呢個過程，然後又攤返喺張床上面，QQ無行開坐喺隔籬玩電話。
我：「妳坐喺度陪我呀？」
Q：「嗯，見你咁慘，頭先嗌到劏豬咁，嚟陪下你。」多謝Queenie，有妳喺度都好好。
我：「唔該晒妳照顧我。」
Q：「食完藥就抖下啦，唔好要我擔心。」
佢盤膝坐喺我身邊，我就縮埋個人打側瞓對住佢，QQ上身點著我諗大家都懂的，雖然無架車咁張狂，但係呢個角度望上去都好療癒，按道理係對病情有幫助嘅，至少可以舒緩神經麻醉痛楚；而佢屈埋咗隻腳就放咗喺我面前，我望住佢隻腳板仔，好白好滑，唔見有啲乜硬皮同枕；五隻腳趾好齊整，啲腳指甲條邊修得好平好圓，腳趾唔係好長圓鼓鼓好似五粒唔同大細嘅提子咁，想放入口度啜下…我係咪好變態？唔關我事㗎，係大卡車搞到我咁。
望下望下我手多多用手指捉住佢隻腳趾尾，佢無反抗亦都無出聲，而我就瞇埋眼繼續休息，但就唔係幾瞓得著，專注感受手指頭傳嚟嘅美好觸感，原來同心口上面…都有啲似。
其實我想更進一步㗎，玩下佢隻腳仔，攝隻手入褲管，攬實佢成隻大髀，甚至擺隻手上去佢敏感位置附近，如果佢係Carmen嘅話…
但我唔想QQ覺得我恃住病咗就做壞事。