為了實現媽媽遺願，我成為了女兒國唐僧: 72

我：「吓…妳咁講即係乜意思…」
我完全一頭霧水，因為我唔知佢睇咗我阿媽寫啲乜，媽咪擔心我無女朋友？唔係嘛…
Q：「我唔會俾你成為不知所謂嘅男人㗎！嗚嗚…」
我：「妳咁講乜意思呀！我而家好差咩？！」
Q：「總之由而家開始我會幫佢手看住你！」
喂！黐線嘅咩…雖然我由細到大無阿媽湊係有啲缺失，但唔等於我想有個唔知家姐定妹喺屋企日日昅住我㗎喎，妳明明只係嚟暫住，唔係嚟做我監護人㗎喎。
我：「得喇，我會聽媽咪話，唔使妳費心…」
Q：「你媽咪…好正呀…」
我一手封住咗佢把口…欸，唔係我想㩒佢落床強姦佢等佢唔可以喊破喉嚨嚟救佢，只係唔想QQ再講落去，因為我唔可以咁快知媽咪嘅心思，而且阿媽放乜落信封真係無人知，往往唔只係信紙。
我：「好喇…唔好再講，妳感受完就得。」




Q：「但係…我好似曳咗，無聽你媽咪話。」
我：「吓…點解妳要聽佢話？」
Q：「無…無嘢喇…」都唔知佢發乜神經。
我：「嘩！成四點幾嗱？妳睇咗四粒鐘？！」
Q：「咁又無，我要幫廿封信封返埋㗎嘛。」
我：「嗯，咁得啦，好夜喇，快啲上床瞓覺啦。」
其實佢啱啱攬住我喊嚇醒咗我都重係驚魂未定。
Q：「嗯…我咪上咗床囉。」
我：「女神姐姐，呢張好似係我張床嚟㗎喎。」
Q：「今晚陪你瞓一日啦，你可以當我係你媽咪㗎，嚟啦，咁樣捉住我隻手…」




我：「陪瞓？！妳無嘢呀？」
Q：「乜呀，剩係瞓覺㗎咋，唔係俾你做埋嗰啲衰嘢。」吖…妳個小女子之腹吖。
我：「妳有仔㗎，點可以同第二個男仔一齊瞓？」
Q：「哆，俾佢知我同你住已經死得啦。」
我：「咁妳重同我一齊瞓，嫌命長呀？」
Q：「點同呢，我而家係當你屋企人咋嘛。」
我今次真係佩服到佢五體投地，都唔知阿媽喂咗啲乜過期春藥畀佢食搞到佢咁，我都十五歲啦，就算媽咪喺度都唔會同佢一齊…唔係…如果媽咪突然出現，我實攬到佢實一實瞓。
我捉住QQ隻手，佢又挨住我，對波其實已經掂到落我隻手，不過我又無諗啲乜；QQ睇信睇到半夜三更，咋一聲就瞓著咗，估唔到有個咁靚嘅女仔喺我側邊熟睡，我係可以心無雜念，只係好舒服，同埋好安詳。
喂！唔係去得好安詳呀！係去搵周公好安詳咋。
安詳條毛咩…原來Queenie嘅睡姿，都有夠不知所謂，唔使五分鐘就晾咗佢隻大髀上我個下半身度，雖然話係白滑美腿嚟啫，但妳瞓到咁，一隻豬腳壓落嚟，幾靚都死啦…我重要因為頭先已經瞓咗所以瞓極都瞓唔返，又唔可以趁佢熟睡佔便宜…




其實係佢佔我便宜囉，用個波餅嚟騭我手臂…
媽咪，唔知，妳覺得我同Queenie有無可能呢？