為了實現媽媽遺願，我成為了女兒國唐僧: ξϚ’

清理完乾淨之後我出返嚟，呢個時候個天已經黑晒，我慢慢行過去女神張床度，確保佢已經完成晒所有需要嘅步驟。
我：「QQ…我想落去買飯…」
咦，無反應嘅，唔通瞓著咗…都正常嘅。
於是我熄晒啲燈等佢瞓下，橫掂我都要落去。
Q：「交叉仔…」正當我開門嘅時候佢叫住我。
我：「嗯？我落去買燒臘飯呀…」
Q：「你過嚟先吖。」
我：「做乜事呀，女神？」
Q：「唔係女神喇…」
我：「係乜都好啦，妳想食乜呀？」




Q：「可唔可以抱住我？」
我：「欸…好啦，乖乖…」
Q：「唔係咁呀，入埋嚟抱住我。」
我：「吓…得唔得㗎？」
Q：「我話得重點會唔得呀！我著返衫喇。」
其實我覺得呢個並唔係衫唔衫嘅問題，不過我都入咗佢個暖暖嘅被竇入面攬實佢。
唉…都唔知啲女人今日搞乜鬼。
Q：「頭先…得…多唔多呀？」
我：「多呀…儲咗好幾日喇。」
Q：「平時就唔好忍啦，唔使理我㗎，傻瓜。」




我：「嗯…我會㗎喇…」
Q：「你喺度忍…搞到我又唔敢…」
我：「咁我就好似以前咁，差唔多晚晚都…」
Q：「好呀，我陪你啦。」
我：「呀…原來妳咁大食㗎？」
Q：「乜喎，女仔多啲又無所謂嘅，你小心虧重好啦。」
我：「多謝關心…做乜想我抱住妳嘅？」
Q：「咪就係想俾人抱，俾人惜囉。」
我：「妳都已經有男朋友惜妳啦。」
Q：「我咪話女仔係貪心㗎囉，佢喺度滑緊雪重鬼記得我咩。」




我：「嗯…我會惜妳嘅。」
其實我好想惜落去佢嘴度，只係一但我咁做就實沉船，我係唔可以同佢認真㗎。
一個係咁，兩個又係咁，個個都話想我惜佢哋，真係只係貪心？我以前只係知男人先會貪心，最好同一時間有幾條女畀我任摸任玩，甚至可以一齊服侍我，好似啲教壞人嘅AV咁…當然唔好要我負責，迫我陪佢哋行街謦電話…
明明兩個都有仔，貪我啲乜喎，我又唔係有錢仔，其實當我係乜？唔會淫到當我係鴨呀…
我：「我落去買燒臘飯，妳有無乜想食呀？」
Q：「嗯，叉燒同燒鴨啦。」聽到個鴨字都有啲…
我：「咁我落去喇，等我返嚟食飯啦。」
無咗學生優惠，燒臘飯要三十蚊盒，好在呢間嘢算係好足料，嗌多飯又會騭到實一實畀我，等我可以剩返啲聽日攞嚟炒飯；最平都係佢㗎喇，又有肉食，而家茶餐廳嗌個晚餐都成五十蚊，質素又鬼死咁飄忽，真係食大家樂一哥焗豬都無咁嬲。
同Queenie住咗一排，先開始學識同女仔相處，以前叫細蚊上嚟扑，扑完都係瞓覺或者打機，到佢悶就叫佢返屋企，諗返都好不知所謂。
我應該惜佢多啲的。