thriXt Qantasy 純文字安眠之作 (New: - U2K - 一直上架): ξβ’

就算只係攬住，都好。
聽住，陪住，感受到體溫，都開心。
可憐我無得…唯有夜啲自行解決。
慚慚地某種奇異嘅氣味蓋過咗女神嘅仙氣。
我：「可唔可以…摸下心口？」
蚊：「乜你會問我嘅咩？」
我：「咁我又唔係妳條仔。」
蚊：「我指你啱啱識我嗰陣。」
的確係無嘅，嗰陣我因為Carmen嘅原因所以識到Mandy，而咁啱架車又離棄咗我，當時嘅我俾架車搞到對呢啲嘢好是但，有日Mandy嚟睇我打波，我就話如果我入到波就要畀我揸波。
我都無等佢應承就落返場踢，然後入咗波之後就夾硬拖住佢去公園，都無理過佢開唔開心，只不過摸下摸下佢就慣咗接受咗。




我：「細蚊…對唔住。」
蚊：「揸啦，我都咁樣喺隔籬…」
我：「好似脹咗少少。」
蚊：「係就好，我都想。」
可能我心態真係唔同咗，透過身體接觸，我感受到佢嘅體溫，心臟嘅跳動，血液流到某啲位置令到血壓提升，各種反應將佢興奮嘅心情話咗畀我知。
過雲雨，沒能預知，溼透了路人，伴著陣陣烈風，刮起了裙襬，訴說著不測風雲，洩露出任性脾氣，三刻過後，剩下乾打著傘的無奈，及陽光映照下閃亮貼膚的襯衣。
我：「舒唔舒服呀？」
蚊：「OK啦，好過俾人屌。」
我：「我錯囉。」
蚊：「唔係話你…」




我：「哦，是但啦。」
蚊：「使唔使我幫返你？」
我：「唔使喇，唔係幾方便。」
蚊：「多謝你今日陪我。」
我：「其實我都無做過啲乜…總之，妳畀心機啦，唔好再俾人蝦喇。」
蚊：「咁你要惜我喎。」
我：「呢個…我盡量啦…」
興奮過後，細蚊嘅心情好似好咗好多，將一件又一件衣物收返入去被竇著上身，無論如何，只要佢唔再唔開心，個問題就算解決咗。
蚊：「咁我都唔阻住你先喇，如果有嘢…我再嚟搵你啦。」其實我都唔知自己想唔想佢搵我。
我：「咁好啦…希望妳過得開開心心唔使嚟啦…」




蚊：「咁我去同Queenie講聲bye bye先。」
我：「等…等陣先…」
蚊：「等啲乜？」
我：「等我冷靜返先。」
唯有回想下砌42096 LEGO嘅辛酸。
我：「好…得喇；喂！點解妳…無戴嘅？！」
蚊：「吓？你間屋女仔唔可以戴唔係規矩嚟嘅咩？」
我：「而家點同？！」
蚊：「有乜唔同，我見Queenie都守規矩。」
我：「喂！喂？等…」
蚊：「Queenie！我走喇，還返個男人畀妳。」
Q：「客乜氣，唔係我嘅…鍾意就捉佢走啦。」
蚊：「咁又唔好，一個人好悶㗎。」
Q：「嗯…咁bye bye喇，得閒就上嚟玩啦。」
乜話！咪搞！佢成日上嚟…妳兩個咁樣…我死都唔掂！唔好咁玩我得唔得？




蚊：「好啦，咁我下次再嚟探妳啦，bye bye Queenie！」
我：「…，我送妳返去啦。」
蚊：「唔使喇，我自己識行。」
就係咁，我開門開閘送咗EX走，閂返門之後感到背後有一股寒氣由愛沙尼亞度吹咗埋嚟。

爛作者顧住睇小說，手頭稿件越嚟越少，重有無人失眠呀？