為了實現媽媽遺願，我成為了女兒國唐僧: ξα’

嗯，其實我諗佢俾我抱住都會好舒服同有安全感嘅，我就牛高馬大，佢就細細粒；諗返起呢段日子Queenie都同我抱咗n+1咁多次，佢就點都唔會睇上我㗎喇，同我抱係因為回報我？想依賴我？定係純粹只係舒服，想有個人關心佢呢？我都唔知，總之我又唔會推開佢嘅，靚女黐埋嚟作為一個正常地球人都係抗拒唔到呢種慢誘引力，但唔可以落下一步真係好痛苦。
唔好諗住下一步係啲乜，隔衫揸下啫…要求好低。
我：「細蚊乖，唔好唔開心，搵過個好男仔啦。」
蚊：「去邊度搵？」
我：「我都唔知，我又唔識溝仔嘅…」
蚊：「咁你係唔係好男仔？」
我：「睇怕…就唔係，搵個好過我嘅，都OK啦。」
蚊：「就算有幾好咪又係想扑嘢…」
我：「都無辦法…男仔就係咁，天然嘅…」
其實我諗呢樣嘢又唔係分好唔好男仔嘅一個好辦法，就算去到女神條仔咁款，咪又係要求上床，不過起碼都算有餐好食，聖誕有條銀鍊，但…我都唔知佢算唔算好男仔。




我：「不過我而家日日都要死忍。」
蚊：「你咪唔好忍，一係佢走人，一係當益你囉。」
我：「算啦…如果係咁第一日就做咗啦，相處耐咗唔想咁對佢。」
蚊：「你都好似唔同咗。」
我：「係咩？」
我抱住佢謦謦下佢就一路拉張被埋嚟，直至張充滿Queenie體味嘅被完全咁覆蓋住我哋兩個。
我：「喂…妳搞乜鬼！」
蚊：「我好熱呀。」
細蚊個衰妹…呀…唔係…係乖妹喺度除衫，喂！無人就話啫，出面一大隻Queenie喺度，想我點呀！
一件，兩件，三件，四件…自行填充啦！




我：「妳…妳想我點樣…」
平時對住女神已經谷到上腦，我而家直頭feel到啲多餘細胞卡住條喉嚨想嘔出嚟咁。
蚊：「無…抱住我就得。」
佢講到咁，我都係唯有聽話嘅啫，而佢又將一件二件衣物推出去被側邊，我都唔知有幾耐…其實係三個月…無抱過…無著…嘅女仔。
點知，佢就喺我心口入面服侍自己…
之後嘅我唔識講喇，總之就介乎爆血管同胃酸倒流之間啦，我唯一可以做嘅嘢就係由得佢。
我：「妳…細聲少少吖…」雖然已經唔大聲。
蚊：「嗯…驚女神呷醋？啊…」
我：「佢點會呷醋喎。」
蚊：「咪係囉，咁有乜所謂。」




結果佢重大聲咗少少…係嘅，是但啦，反正我水洗都唔清，而且喺QQ眼中我就乜都唔係，唔需要顧及啲乜形象。