為了實現媽媽遺願，我成為了女兒國唐僧: · · · · ·　— · · · ·

我：「Queenie，我返嚟喇。」
Q：「返嚟嗱…嘩，做乜咁多嘢嘅？」
我：「送畀妳㗎，呢個係電子琴嚟。」
我將一個黑色長身嘅尼龍袋交到佢手上。
佢慢慢拉開條拉鍊，攞咗部嘢出嚟。
Q：「得四十九粒制嘅…」
我：「係呀，太大無位放，加埋貴…」
Q：「傻瓜！呢部唔係電子琴嚟，係keyboard嚟！」
我：「吓，有乜分別呀，有琴制都唔叫琴？」
喺我嘅常識度，keyboard就係電腦打字嗰啲。




Q：「呢部無喇叭唔識出聲囉，同埋…唉，講你都唔明㗎嘞。」
我：「啱唔啱使呀？如果唔啱我又賣返出去囉。」
Q：「我一陣玩下先知，咁呢袋呢？」
我：「風筒囉，飛利浦三段風速三段溫度，呢個一定唔會錯喇掛…」
Q：「交叉仔！」
Queenie又用佢溫暖柔軟嘅身體攬實我…
你以為係天堂？唔係，係地獄。
如果佢唔係高貴女神，我一早推冧佢落張床，要麼就逆來順受，又或者好好享受，當然亦歡迎欲拒還迎，實行將扑星day變成扑到佢升天day…
咁佢可以反抗嘅，俾佢車巴完咪走囉，東家唔打打西家，溝女就係咁㗎啦，無話一定要呢個先得，嗰個唔得，都係睇邊個易食啲嘅啫。
但而家嘅處境真係好尷尬，佢純粹落難先嚟暫住，如果我利用對佢嘅好，嚟換做肉體嘅快感，我就係一個好卑鄙狡猾嘅小人。




因為走投無路，可能佢會啞忍，又或者將嗰啲嘢當為同我交易…咁樣一定會覺得好委屈唔開心，以後我哋嘅關係就會…
Q：「喂，對我咁好做乜，想溝我呀？」