為了實現媽媽遺願，我成為了女兒國唐僧: Cd，Cadmium，鎘，充電池，～0.002USD/g

Queenie唔通開緊房？
Queenie唔通扑緊？
Queenie唔通今晚唔返嚟瞓？
其實佢係點都唔關我事嘅，加上佢平安夜同男朋友行街會發生上述情節實屬正常，但係當我砌完盒LEGO之後又無端端係咁諗起佢…
哎，唔得㗎，想要女咪自己溝囉；係咁幻想女神係唔會有Q用的，佢只係因為暫住喺度而縮短咗物理上嘅距離，始終我哋相差太遠唔會有幸福，加埋佢又有仔。
而家啲人平安夜都會戇鳩鳩咁喺條街倒數，都唔知數乜春，你估耶穌真係搭正零時零分出世咩，都黐Q線…不過今晚有通宵港鐵服務，玩夜啲都正常嘅，唔一定係開咗房。
如果Queenie今晚唔返嚟，我…好想聞住佢張床嚟J，或者…直接攞佢條底褲？雖然話過我唔會咁做，但其實只係死忍。
結果到差唔多十二點正嘅時候聽到鎖匙聲。
太好喇！女神返嚟！唔得，我要收返埋個開心樣，唔可以俾佢發現我好掛住佢。
Q：「返嚟喇…嘩！砌好嗱！好大架車呀！」




我：「咁早返嘅？小心餓親條仔佢唔開心呀。」
Q：「妖，你當我哋係乜呀…佢諗住愛沙尼亞已經夠開心啦，重邊有多餘精力性幻想我。」
我：「唔會囉，肯定想帶埋妳一路望住啲雪一路扑。」
Q：「係喇係喇係喇，你哋思想真係好鬼污穢…係呢，你做乜要幫部車影相？」
我：「無呀，記錄低…做正經事。」
Q：「咦，塊貼紙做乜唔貼嘅，我幫你吖！我玩呢個好好手工㗎！」
我：「咪！咪！咪！停手！」
Q：「做乜咁大聲呀…」佢扁晒嘴咁望住我。
我：「Sorry…唔好貼…拜託妳…」
Q：「點解唔貼貼紙嘅？」




我：「唔係個個人都鍾意貼貼紙㗎嘛。」
Q：「你唔鍾意貼貼紙？」
我：「咁又唔係…」
Q：「咁又唔貼？」
其實女仔係咪特別鍾意玩貼紙呢樣嘢嘅呢，我記得小學啲女同學好多都會有本貼紙簿；咁都算，而我最唔明係點解先生會沒收我哋啲遊戲王卡，但係就放過佢哋啲貼紙簿，我睇唔到兩者其實有乜分別。
當然，小學啲Miss都會貼個繼續努力嘅貼紙喺我本功課簿上，女人真係好難理解…
我：「我諗住…賣返出去啫。」
Q：「吓？聖誕禮物點解要賣返出去呀！」
我：「我查過呢盒LEGO要千幾蚊㗎，放返出去應該可以賣到七百到八百蚊。」
Q：「你…係為咗…我…」




我：「唔係嘅，咁我砌完都已經夠開心啦，諗下諗下部車咁大我都無位放，擺出嚟又盞封塵…」
Q：「交叉仔！」
佢坐咗上我大髀上面攬住咗我…係呀…心邪嘅你哋無諗錯呀，呢個係對坐交合嘅姿勢，咁我兩個當然係有著衫啦…
唔好諗太多！俾人舉報就大鑊！