為了實現媽媽遺願，我成為了女兒國唐僧: XX

乜話！？洗底褲？少女著完嘅底褲！即係一塊布，上面有少少天然嘅人體分泌物，如果諗多啲衰嘢就會有更加多液體，新鮮嘅時候係會濕滴滴黏黐黐，有啲反光，色澤係介乎半透明到白色，如果熱氣嗰排可能會黃黃哋，乾咗就會變成一笪漬，發酵埋就會深色啲加有異味，殊殊無滴乾淨或者抿乾淨嘅話重會有少少尿味。
嗱！唔好屈我呀，呢啲係Bio教嘅生物學知識同埋衛生常識嚟㗎咋！
我：「咁樣…會唔會唔係幾好…」
Q：「頂你，你又喺度諗埋啲乜變態嘢！」
我：「喂…我都唔想㗎喎…靚靚女同學著完嘅內衣褲…我只係情不自禁…控制唔到。」
Q：「唉，我唔知你呀，總之我就唔識用洗衣機，麻煩晒你啦…你鍾意用完先洗又好，攞嚟做埋啲奇怪嘢又好，千祈唔好畀我見到，同埋唔好整污糟就得，拜託晒你喇。」
我：「欸…放心啦…唔會嘅，最多唔小心望多眼。」
Q：「咁忍得？」
我：「而家妳唔單止係我女同學，重係我屋企人嚟㗎，日日對住…唔應該咁嘅。」
Q：「總之我信晒你㗎喇，唔好蝦我呀。」


睇佢個樣已經完全當咗呢度係自己屋企，對我無晒避忌，踎喺度執衫嘅時候著住校裙嘅佢走咗無數次光…又唔係未睇過，成喼底衫褲任睇添啦。
呀，我都有嘢做，要幫佢入返晾乾咗嘅床單同被套。
我：「咦，呢隻乜嚟㗎？」
佢掟咗隻公仔上佢張床上面。
Q：「你盲㗎？咪陪我瞓覺嘅豬仔囉！」
係一隻好殘舊，啲毛起晒粒粒，加埋有啲變色嘅豬仔，睇嚟由細抱到大。
我：「係妳隻豬嚟㗎？」
Q：「唔係我唔通邊個？陪咗我好耐㗎喇。」
我：「等我食咗妳隻豬先。」
我攞上手，擘大個口，當佢豬仔包。


Q：「哈哈，好好笑呀。」
我：「真係呀？我都覺得好笑。」
Q：「食屎啦你，放返低佢呀。」
我：「係…豬仔，你主人唔畀我食你呀。」
Q：「食乜鬼吖，想食都無得食喇，已經無咗…」
我：「欸…講下笑啫，唔好咁上心。」
大致上，已經執好咗個竇畀佢，亦安置好個喼。
我：「係嘞，聽日聖誕聯歡妳買咗禮物交換未？」
Q：「呀！係喎，差啲唔記得！」
我：「一齊…落去？我都想順便買餸。」