為了實現媽媽遺願，我成為了女兒國唐僧: XVII

Q：「呀…Sorry…我唔係咁嘅意思…」
我：「唔緊要，都過咗咁多年，我已經慣晒。」
Q：「其實我都好掛住媽咪…唔知佢做緊乜呢…」
我：「愛掛。」
Q：「…」
我：「對唔住…我都係講下笑。」
Q：「都唔係嘅，好可能俾你講中…」
我：「Queenie呀，想問下妳係咪有男朋友㗎？」
Q：「由睇到你本周記開始，我有否認過咩？」
我：「咁…妳都無承認過吖。」




女仔真係好麻煩，係都要同人猜謎語咁。
Q：「係呀，我有男朋友。」
我：「咁妳係唔係…處女？」
Q：「作死你呀！問啲咁嘅嘢嚟做乜？」
我：「無呀…如果妳係，我咪收斂啲，講少啲衰嘢。」其實我就覺得佢唔係，如果唔係返學講嗰啲嘢都已經夠佢黑面。
Q：「咁不如你答咗我先，你係咪？」
我望住佢擰擰頭。
Q：「嗱，話明先呀，唔準講畀任何人知呀，男仔女仔都唔得呀，提都唔準提㗎！」
我：「當然啦，呢個妳放心，出得嚟行識做嘅。」
Q：「咁我…都大個女㗎嗱。」




我：「妳搞到邊個衰十一呀…」
Q：「你理得我吖！你自己咪又係衰十一。」
我：「係呀，我都有啲驚，我識人俾條女玩嘢報串搞到好大鑊，好似要上庭添…」
Q：「咁你重咁大膽？」
我：「以前啫，而家真係淆底，橫掂而家分咗手，諗住唔搞呢啲嘢住，除非識到個十六歲嘅姐姐啦。」Queenie同我一樣十四歲，唔使諗。
Q：「其實…我都重想做多幾年處女。」
我：「咁妳又畀佢？」
Q：「有時啲嘢好難避嘅，都拍咗咁耐拖，而且佢都中六，好多同學都…我理解嘅。」
我：「係呢，點解…妳唔搵妳男朋友幫手嘅？」
Q：「你估我唔想咩…佢屋企都有錢，咁唔通我住喺佢度咩，佢就梗係想啦，但屋企人有乜可能俾喎，我唔敢同佢講我嘅事添呀，驚影響我同佢嘅關係。」




我：「所以就嚟搵我呢個窮光蛋？」
Q：「邊係呢…咁你自由吖嘛，我應承你啦，我會盡量慳，第時有能力，一定會還返晒畀你。」
我：「放心，妳第時一定有能力肉償我。」
Q：「喂呀！點解又…」
我：「講笑啫，妳實有能力嘅，不過我唔會收，我未至於無恥到咁。」
Q：「算你啦，我都係信你先搵你幫手咋。」
我：「但妳諗住瞞到幾時？」
Q：「瞞到幾耐得幾耐啦，最好瞞到我阿爸或者媽咪諗到辦法。」
即係話，我要無了期咁同佢一齊生活。
Q：「係呢，我有條數計唔到個答案呀，你睇下識唔識計吖。」
的確，我抄抄下見到佢有一題空咗一半抄唔到落去，得一半當然唔抄得，我係懶但未至於係傻嘅，咁都抄實俾先生發現都似。
最後我哋坐埋一齊摷書用腦，嘥咗廿分鐘計到個答案出嚟，原來同佢一齊讀書感覺都唔錯喎。
之後到我沖涼擦牙。
我：「早抖右女神QQ女。」
Q：「早抖低B交叉仔。」




熄燈瞓覺，咁就過咗第一日；好神奇，右女神竟然做咗我屋企人同我同居，更神奇係靚女喺我間屋凸點走來走去我可以當睇唔到。