為了實現媽媽遺願，我成為了女兒國唐僧: 柒

黐線！佢用盡全力揼落我大髀度，如果我預先知谷一谷都好吖，失驚無神壓落啲筋同神經…
呢個咁大嘅舉動當然驚動到左鄰右里，包括埋後面嗰個斯文得嚟又鬼死咁高嘅女仔，佢好似喺度忍笑咁望住我，乜男仔畀女打睇得咁過癮嘅咩？
我：「想笑就笑啦…唔使咁望住我。」
雖然唔熟，但都未至於零溝通嘅。
「肯定係你對人哋做咗啲變態嘢。」
我：「我乜都無做過囉，妳見佢一返學到而家…算啦，妳當係我錯啦…」
本來想辯護下，不過諗深層都多鬼餘，呢啲女仔點睇我又唔care嘅，個個都知我鍾意無所事事遊離浪蕩唔返屋企欠交功課㗎啦，學校乖嗰啲都唔會黐埋嚟；而且女神講乜都唔會有人懷疑，做乜都係啱嘅，雖然我覺得黐鬼線，但都當順應下潮流啦，俾人揼一下又唔會死。
Queenie又攤返喺枱，都唔知搞乜鬼。
結果嗰日放學佢同我say聲bye就走咗。
我喺度諗我有無做錯啲乜，因為我同健講我對女神無興趣？但健唔會咁樣唱我吖，況且都唔係啲乜嚟，Queenie又知我知佢有拖拍；因為我會望下佢條Bra帶同波shape？都無理由吖，如果唔妥我呢啲咪直接屌我囉，同佢坐咗一個禮拜我發覺佢係比想像中易相處，亦都大方，連啲戇鳩仔點追佢嘅低能嘢都肯講，點會因為我望多兩眼就…


到咗第二日小息，佢仍然係老樣子。
我：「有嘢不妨講出嚟，可能我幫到妳呢？」
希望佢唔係得罪黑社會，雖然我係曳，但一向自己顧自己，無任何勢力嘅…
結果又係同一個姿勢。
「咯。」一下低沉撞擊聲，今次肌肉有充血迎接。
「睇嚟你真係錯得好緊要喎…」
我：「係呀，本身我嘅存在就係一個錯誤，所以每日先會屢戰屢敗。」
我覺得，坐得喺隔籬都係一種緣份，除非係世仇或者佢自閉到好似病態咁，如果唔係都會溝通關懷下嘅；以前都同過啲乖嘅女仔坐，雖然唔好謦，但有時講下啲低能嘢同半鹹濕笑話，都可以博得一『哂』，俾佢哋鬧下低能都開心嘅，例如椰子樹下的故事同食朘朘魚湖的傳說…話時話，細龜個女神遠藤桜我都有study過㗎，係好清純好pure，都靚靚哋，但唔啱我feel。
同健康兄弟食完晏晝之後返到課室，右女神都係咁嘅死樣，我都係唔抵得。
我：「喂，我每日俾妳揼一鑊無問題呀，但妳日日咁樣都唔係辦法嘅，講出嚟…可能我有嘢幫到手呢？」我喺佢耳邊講。


都重係無反應。
我：「妳咁樣，搞到我日日悶死，我真係會做傻事㗎，嗱，我…吹妳耳仔㗎。」
佢突然爬返起身，望住我。
Q：「放學留喺課室講啦。」
然後我就開始喺度FF。
情景一：
“我條仔強姦咗我呀！”
“吓，咁過份！過嚟，我呵返。”
“你唔會強姦我㗎可？”
“妳咁可愛，我點捨得呢？我只會氹到妳上床。”


情景二：
“Xavier！我暗戀咗你好耐喇！”
“吓，點解會咁㗎，唔通貪我浪子？”
“我唔知呀，我都好迷失…”
“但我同妳，係兩個世界嘅人嚟！”
“我都知，我哋係唔適合。”
“但係，我至少肯定，副body係適合嘅！”
“Xavier！”