我叫張元中，我個妹叫張元英（失敗作，爛左尾，貼上黎做record）: 15

15



因為之前林sir既說話，我開始認真考慮練體能既事



我攤響上格床，問元英






「喂，元英」



「嗯？」


元英正睇住youtube果啲跳舞練習片手舞足蹈







「不如買switch囉，玩下ringfit減肥」



「真既？我...」


元英一聽到開心左一下，之後竟然收起笑容






「做乜無啦啦講起呀？你想買咪自己買囉！」



「我...我冇錢丫嘛！」


我啲錢去哂課手機game，所以平時得幾舊水旁身




「哼，咁唔駛了！」






元英又西起嘴臉：「我已經夠瘦，唔駛減啦」


「哦我記得啦！你話教練叫你練體能！所以想借我過橋買ringfit！」



「屌咁都記到！」


真係永遠呃唔到我呢個妹








「想練體能咪正正經經去跑步囉！」


元英越跳越放，動作更大：「睇死你實係怕熱啦！」



「怕熱就唔會踢波啦！我係怕悶咋...」




「聽住歌跑咪唔悶囉麻鬼煩」






元英好似好輕鬆咁彈左一句



屌緊係啦，又唔係你跑




「哼，睇死你都係想借我過橋蝦daddy媽咪買switch姐！」


元英即刻對我做個鬼臉：「不過你唔駛旨意！」








屌，好撚威咩...





第二日係星期六，我終於下定決心


落元朗大球場跑步！



「嘩換哂運動裝咁，去邊呀？」難得放假宅響屋企既元英問



「跑步囉，你話睇死我懶嘛，我就跑比你睇！」其實本身都有一部份係同元英鬥氣



「呵，咁我祝你唔好跑兩三個圈就返黎啦喎！」


「你阿哥我冇咁廢！」




落到附近既元朗大球場，仆街條跑道已經好多人


身上乜都冇既我直接入跑道



「bb一陣跑完步去食咩好呀？」


「媽咪！」


「你跑咁快做乜呀」


屌那星，成條跑道d人玩緩步跑咁，塞撚住哂



「唔該借借！」


我都唔記得自己叫左幾多聲


咁搞法，我似落黎行路多過跑步




直到


「唉屌...唔該唔該」



我開始唔耐煩，夾硬撞到一個女仔身影




「...哎」


個女仔好似比我撞到，少少失平衡



「唔好意思呀...咦？」



原來，係佢




「阮真光...」



「係...你...」





我陪光師妹埋到一邊休息



「點解...你響度既？」光師妹先開口問



「因為...之前教練話我體能唔夠好，咁我咪黎練跑囉」


我調返轉問：「咁你呢？又響度既」




「我...黎緊體育堂要考試...」


光師妹好似口質質咁：「唔合格既話要再考過，唔想咁...」




「下...體育堂鳩考架咋喎...」


真係唔知啲高材生諗乜



「咁所以，你就黎練跑啦？」


「嗯...」



真係九唔搭八




「你都對自己好有要求喎...pe考試都唔可以肥佬」


「...嗯...」



「係呢...你...諗住篇作文...點寫我...」光師妹問




「吓咩寫你...係喎！」


屌，miss to話過要寫埋對方！




「我...未諗喎...」


睇黎又要靠元英



「嗯...」


光師妹好似神不守舍咁：「咁，我返...返去先啦」



「吓...你唔跑啦？」




「我跑夠啦...」



但，光師妹條頸明明得少少汗，應該啱啱跑咋喎