我叫張元中，我個妹叫張元英（失敗作，爛左尾，貼上黎做record）: 14

14


返到屋企，已經見到老豆老母準備開飯


「中仔你返黎啦，沖個涼食飯丫」


「哦...」







諗住入房攞衫之際，元英即刻跑出黎，守住個房門


「喂，元英你做咩呀」







「唔！準！入！去！！」


元英已經掩住個鼻：「你踢完波個身咁臭，唔入得去！」



「我唔入去點拎衫呀！」







「我叫媽咪入左比你啦」


元英指住梳化上既膠袋



仆街，駛唔駛呀...




「喂，元英」






「咩事呀」



諗返起，唔係元英整左篇咁既作文


都唔會識到光師妹



「呃...都係食完飯先講啦...」






「懶神秘咁...快啲沖涼啦，你好臭呀」



都唔知應該話元英幫左我定害左我


雖然光師妹樣就未叫靚，但都算正正常常


當識個朋友









「喂元英」


我響上格床叫道



「哈哈好搞笑呀...咩事呀？」


元英停左ipad入面既韓國綜藝節目








「冇野...我...」



「冇野咪得啦」呢個張元英真係串到仆街



「開場白姐...」




「我最唔鐘意就係我問啲人『咩事？』，人地第一句係『冇...我...』，冇就咪講啦」


元英真係好撚煩


「講啦，就係頭先食飯之前想講果樣野呀？」




「冇...」


「仲講！」



「唉你好煩呀...你篇作文，搞到我識左個人呀」



元英一聽到，打左個突


「吓？你講咩呀阿哥」



「miss to將我地篇作品同4a班交換左...搞左咩紅線計劃」


我行返落下格床：「依家呀，我同果個...阮真光交換左作文，黎緊要寫篇描寫對方既作文」



「阮真光?好似係高材生黎架喎」


「嗯，足球隊啲人話係喎」



「唔...唔係咁開心下話？」


元英似乎有啲難以置信：「不過比阿哥你識到阿玉以外既女仔都要還神啦」



「收聲啦你」


我繼續講：「點知果條女，就跟我跟到練波...明明都唔係睇開波」



「下，佢做乜要睇你踢波呀？」



「點知喎...我就係怕佢...」



元英一聽到即刻皺眉：「唔駛諗，佢唔係暗戀你囉！」



「乜呀，我都未...」



個死女包又打斷我


「佢做功課之嘛，你估真係留意你咩阿哥！」




呢個世界邊有咁口臭既阿妹架



「屌我冇話佢鐘意我呀...我既意思係...」


比元英激完，我慢慢冷靜返


「佢會唔會因為你代寫既果篇作文，對我産生興趣」



「...吓？」


元英一臉無奈：「阿哥你做咩事呀...邊有女仔會因為人地既一篇作品而留意人呀，何況篇野我仲要係求其寫既添」



求其寫都好過我幾十倍，呢啲就係元英同我既差距



「聽日佢就唔會跟住你架啦」


元英繼續睇ipad：「不過講開又講丫，我都未見過...阿哥你講起阿玉以外既女仔」


「今次，係第一次」




「即係...咩呀？」



「即係你好毒囉！女仔fd都冇個！」



元英總係鐘意督中我痛處


「屌，專心足球嘛我！」



「咁又會冇正選踢？！」




「屌，咁...咁...呢啲係教練決定架嘛！」


我只好反駁下元英，挫一挫佢銳氣


「你...你夠冇男仔fd啦！憑咩話我呀！？」




元英一聽到，先係呆一呆


「...下...因為你地班男仔太差囉」


「三唔識七，走黎送朱古力...一係就想扮對跳舞有興趣」


「再唔係就扮搞笑，明明個樣已經毒架啦，又肥又成面暗瘡，仲走黎扮charm」



咁一講，我既諗起男神超送禮一事


仲有，我好兄弟，又肥又成面暗瘡既田鼠



「唉，我比啲野你睇」


元英打開ig，翻出封鎖名單



仆街，一掃成幾十個，我仲要認得某啲id係同級啲男仔黎


「呢堆全部都係有黎dm我煩我既人黎，你地啲男仔真係好痴線囉！」



講真，真係不得不承認


元英響學校係好受歡迎，無論係同學定老師，男性定女性



「總之，你真係諗多左啦，佢做完份作文就走架啦」


元英求其講幾句打發我走既同時，發現我右腳上既傷口：「咦係喎，你隻腳做咩呀？」



「今日踢波整親囉，果球我諗住清走大師兄個波，點知就磨到地下啦，爆哂缸」



「哦...大師兄」


正常講起大師兄，所有女仔都會為之瘋狂



「果個好高既波牛嘛，好樣過阿哥你少少既」


痴線！大師兄都比你講到一文不值！


有時真係唔知元英鐘意咩男仔