我叫張元中，我個妹叫張元英（失敗作，爛左尾，貼上黎做record）: 1

1.


「踏踏踏踏踏！！！！！！！」



「仆街，差果三分鐘都落閘！痴撚線架？」

望住眼前既校門鐵閘，我嬲到差啲一拳打埋去，不過為左道門着想都係算






危機意識爆棚既我，腦內馬上閃出多條算式

「依家只不過係九月二十三號，我已經累積左四次遲到，即係話...我得返一次可以遲到走盞！」



睇住學校入面，一個個傻仔排住隊比訓導王sir摘名，我又點會咁on9！





雖然好麻煩，但睇黎又要用返果招啦！



我爬上學校隔黎既一棟大樹，準備潛入學校

雖然棟樹唔算矮，但因為呢幾年已經爬過無數次，所以我十幾秒就爬到理想既位置







我，就係聖公會馬得理紀念中學既潛入高手，張元中！！！



「踏！」

雙腳輕鬆跳到牆頂，再跳多下



「踏！！！！」

嘿，成功著陸

下次刺客教條再有新game，唔搵我真係哂！







跟住落黎我要做既，就係靜靜雞上到五樓，再扮哂一早已經返到但去左廁所就得啦

由於已經開始左早會既關係，所以操場、走廊果啲位都無乜人，上去五樓簡直易過食生菜！



「嘿，輕輕鬆鬆啦...」




「YO！！！！！」







「砰！」

一把女聲大叫YO之後既一瞬間，我個頭馬上比人打左一野



「邊撚個！」

我馬上轉頭

「丫屌乜係你呀阿玉...」







「今日又遲到啦？中仔！」

眼前既呢個短髮女仔叫林美玉，係少數同我熟既女同學，甚至可以稱得上女兄弟


我同阿玉不但只由中一開始同班去到依家中五，佢仲要同我一樣係利物浦fans

係呀，女仔都可以睇波既姐...


平時豪爽、男仔頭但唔粗魯既性格令佢響班上面幾受歡迎，仲做埋班會主席

而且仲做埋我地足球隊既掛名「經理人」，不過原因...都係唔講住啦...






「開左學一個月已經遲咁多次，有冇咁好訓呀！」

阿玉搭哂我膊頭咁，其實我都慣


「無計啦，呢排開始轉涼，就好鬼眼訓...」

我捽一捽雙眼：「而且果個死靚妹，一早出左門口無叫我」



「哈哈抵啦，自己唔較鬧鐘，怪得邊個丫！」

「仲笑！屌你啦！」


關於果個「死靚妹」，要講真係一匹布咁長



「卡！」

我同阿玉入到5E班班房，就比教通識既劉sir望住


「張元中，今日又遲到呀？」




「唔係..頭先返到黎人有三急，咪去左廁所先囉...」

呢五年，我由一開始講大話講到面紅，講到依家已經當左自己係講緊真話咁



「係呀，頭先我見到佢響男廁出黎架」阿玉作為我既女兄弟，當然都幫我講野



「....嗯，返埋位啦」

劉sir都無我符，唯有放我返位



一坐返位

「屌你啦，今日實係爬樹返黎架啦」


坐我隔黎既係田鼠，田家俊

佢中一已經開始同我同班，肥毒撚一個，但意外地同佢幾夾


「無計啦，秋天就好想訓...」

一講完呢句我已經打左個喊露：「係喎...今日.係咪要練波呀？」


田鼠捽捽雙眼，道

「係呀...我地上到a grade既第一次練習丫嘛」



「唉..我地踢左校隊咁多年，乜鳩都未拎過」


「中仔，我地間中學先d2，仲要中遊，你想點贏呀...hea埋佢算啦」

田鼠轉換話題：「話事話啦，今朝我又見到佢啦，嘻嘻」


見到田鼠笑到咁猥瑣，我都知咩事


「佢呀...今日返黎果陣紮左馬尾，好pure好true呀」

「仲有呢，佢對腳...嘩勁撚正呀...」


我諗我再聽落去會頂唔順，所以都廢事再理田鼠