《我應承過一個女仔，要帶佢去修頓球場睇我比賽》: 第二話

「佢咁都得啊？我哋打都未打就話我哋唔得？」奀皮明顯是最憤怒的一個。
 
「收皮啦！」我們在校長室門前爆粗。
 
「收皮啦！」我們越講越細聲。
 
「估唔到你頭先真係吹得咁犀利，連教練都搵埋咁嘅大話你都作到。」
 
我們第二日照樣去校長室找校長，昨天她全日都不在，只好作罷，今天終於找到她。
 




敲了敲門，她語氣十分不好地說了句：「入嚟。」
 
「你哋幾個又做錯咩事啊？」我們這一群確實不是讀書很好的學生，功課不交是常識吧？但我們也沒做什麼壞事，卻被這樣對待，實在不爽這間學校。
 
「我哋無做錯咩事，唔讀書唔等於做錯事。」光仔大大聲咁講，不能讓人欺負到頭上來。
 
「咁你哋嚟做咩啊？」校長沒好氣地續問。
 
「我哋想重！建！校！隊！」我們竟然能夠異口同聲一起講，證明我們多齊心。
 




校長愕然地抬起頭，直勾勾地望著我們。
 
「唔會，你哋根本就控制唔到自己。」這位八婆校長真的好八婆，她姓呂，名符其實的「女」校長。
 
「都隔咗咁多年啦，都已經唔同曬啦囉！」我們不甘心。
 
「同埋今年學校有校慶活動，無咁多人手再同你哋搞校隊。」八婆校長放下手中的鋼筆，認真地向我們講道，這個年代還有人用鋼筆啊？
 
「咁如果我哋搵到老師肯帶我哋，係咪可以重新搞返個校隊？」我靈機一觸，我想校長就是這樣的意思？
 




奀皮和光仔紛紛望向我，好像想不到我會這麼機智。
 
「你哋搵到先算啦。」校長冷冷地說，不抱任何期待。
 
「我哋一定會搵到。」光仔斬釘截鐵地跟校長說，我們已經不再是剛剛進中學，見到訓導和校長會畏首畏尾的F.1仔。
 
我們留下這句之後，就離開了校長室。
 
學校附近有一個算是荒廢的球場，那裡長滿了雜草，地面有些地方更出現裂縫，如此殘舊的球場吸引不了其他人來，其他球場在不段時間都會有人鬥波，但這裡除了我們，未曾見過其他人的蹤影，可能夠偏僻吧？
 
這個球場在我們升中三的那年暑假發現的，那個盛夏，我們都在各個球場奔跑，去不同的球場打，跟不認識的人鬥波。
 
有一天想行捷徑去另一個多人的球場，恰巧經過這條平時很少人行經的路，便意外地發現了這裡。
 
從此，成為了我們的祕密基地。




 
這個球場不是一個正規的球場，不是一個全場，而是一個半場。
 
整整一個暑假的下午，我們都在這裡渡過，我們找到這個地方的時候，很是興奮。
 
「哇！呢個場正喎！你點搵到㗎？」阿基看見此情此景，驚嘆萬分。
 
「雖然望落細係細咗啲，但勝在無人會嚟呢個場，以後呢個場！！！」光仔瘋了似的衝去球場裡，一邊衝一邊大喊。
 
「就！係！我！哋！㗎！啦！」他一邊拍著籃球，一邊興奮地又做出一連串花式動作。
 
我們可以在這個球場裡混一整天，我們有各種不同的玩法，未曾悶過。
 
去完校長室後，放學我們就到了這裡，有時會在學校跟其他年級的人鬥波，如果沒有的話，我們都會來這個球場，投下球也好，不願意這麼快就回家。
 




「點算啊？依家成間學校都忙緊，應該無老師會幫我哋帶隊喎。」
 
「無計，唯有一個個問囉，我哋盡量有啲有可能會幫我哋帶隊嘅老師嚟問。」奀皮認真地道。
 
奀皮說完，重重地拍了一下球，站在三分線上，一個華麗的動作，球順著奀皮仔的姿勢，應聲落網。
 
不要看奀皮瘦骨嶙峋，他的射姿標準得很，三分的把握度也很高。
 
我除了相信我們這個陣容能夠打學界之餘，我也想試一試，我們究竟能夠走多遠。