《嗰晚，女神竟然攻擊我嘅Coin Master村莊》: 來｜come

(…)
 
那晚，我從機場送她回家，同時期待著之後數天的來臨。
 
不過短短數天，就如同假期一樣，永遠都是來得慢，卻去得快。
 
雖然我和她之後每天都會見面，做的都是一般情侶會做的事，食飯，看戲，逛街，到處拍照，但我們其實都很清楚，這都是偷來的時間。
 
只是我們已經習慣享受這樣的時光。
 




一晚，在送她回家的路上，她依舊靠在我的肩膀上。
 
「其實，你會唔會唔開心？」她突然問。
 
我拖著她的手。
 
「開心，你係我隔離點會唔開心？」我笑說。
 
「但我後日就要返去喇…」
 




「你又見我唔到喇…」
 
「所以先問你會唔會唔開心…」她說。
 
就是這樣，快樂不知時日過，原來假期已經接近尾聲。
 
「唔會嘅～」
 
「我地重可以FaceTime㗎嘛～」我說。
 




樂觀得連我自己都感到有點意外。
 
「係咪㗎？」她說。
 
「係啊！」
 
「半年嘛！我會等你㗎！」
 
「不過過咗半年就～」我笑說。
 
「過咗半年你就點？」她問。
 
「今個月係10月，即係3月前你分唔到手～」
 
「你知我會點㗎喇？」我說。




 
「會點？」她依然好奇。
 
「痛愛著你！」我笑說。
 
「食屎！搞gag！」她亦笑說。
 
我們，又再渡過了一天，在她離回到台灣的前兩天。
 
翌日，我一早起床便換衣服出門，不是為了找她，而是去買一樣東西。
 
下午她要和家人一起吃飯，所以我們的約會便定在晚上。
 
現在回想起來，多想抹殺那晚的存在，卻又有點點不捨。
 




「喂，你係邊？」
 
「我可以係屋企出嚟喇～」她致電給我。
 
「你望下窗外面？」我笑說。
 
「吓？」她驚訝。
 
然後聽到一頓雜亂的聲音，便見她出現在露台前，正向著我揮手。
 
「等等！依家落嚟～」她說。
 
然後便掛斷電話。
 
「拿，比你～」我說。




 
甫見到她走出電梯大堂，我便將中午外出買的東西連袋給她。
 
「古古惑惑！」
 
「咩嚟㗎？」
 
「唔係又係出奇蛋下話？」她笑說。
 
讓我意外的是，她竟然還記得6年前的事。
 
「唔係喇，你打開睇下～」我笑說。
 
「嘩！」
 




「AirPods！」
 
「點解嘅？」她開心得大叫，雖然我知道對她而言，這份禮物並不昂貴。
 
「你成日話你個AirPods聽唔到嘛，咪買個新嘅你～」我笑說。
 
「我手機都用唔到啊！」
 
「買埋手機比我啊～」她企圖打蛇隨棍上。
 
「你說想！」
 
「個AirPods 係比你返台灣之後！」
 
「冇藉口cut我線咋！」我說。
 
「哦！原來有私心嘅！」她笑說。
 
「梗係喇！」我亦笑著回應。
 
就這樣，我們打打鬧鬧走到附近的巴士站。
 
「咁我地依家去邊？」我問。
 
「有咩建議？」她說。
 
「去我屋企囉！夠近～」我笑說。
 
「頂你喇！重有冇其他建議！」她說。
 
「出尖沙咀食嘢？」我說。
 
「咁好似都係去你屋企好啲！」她說。
 
「吓？」我疑問。
 
然後，我們坐上了那輛前往我家的巴士。
 
雖然她不是第一次到我家，但在晚上卻是第一次。
 
 
假設他 當晚給你承諾
堅决陪你走 不會有今後
如果當時走 不途經這門口
不會剛巧 偶遇做現任男友
一對手 擁抱一晚
而你恐怕忘記 其實是我的手
肌膚再貼近我 心態從來沒有
想偷走卻沒有借口
 
我是一個臨記可以填滿你寂寞
姑息你濫用我彌補這空檔
明明今晚好好緊貼在我旁
你開你手機暗暗因他發光
知你陪笑都當回報更絕望
即使仍然同房
纏綿一刻 忘懷了我
靈魂裡他竟使你滴了汗
你別向我講
 
我是一個臨記只配和你抹淚光
天荒愛到地老純屬奢侈期望
何妨今晚彼此把秘密蘊藏
我給你掩飾你這特殊狀況
知你慚愧所以陪我看月光
感激我才同房
一起無言以對如常去相親相愛是哲學
切勿誠實交往
 
－裝睡的情人

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！