《嗰晚，女神竟然攻擊我嘅Coin Master村莊》: 後｜later

(…)
 
記得那天，我再也忍耐不住…
 
「其實，你地係咪冇事喇？」我問。
 
那時的她，還在桃園機場的禁區。
 
「咩叫冇事？」她問。
 




「即係，我同佢之間，你揀咗佢…」我問。
 
「點解咁講？」她問。
 
「佢唔係送你去機場？」
 
「你話之前嘅佢都唔會咁做？」我疑惑。
 
「佢無聊無嘢做姐，唔好諗咁多喇～」她說。
 




「真係我諗多？」我自言自語。
 
「吓？」她說。
 
「咁你地傾成點？」我問。
 
我直白的說出困擾已久的問題。
 
「…」
 




持續的寂靜過後。
 
「我想等佢半年…」她說。
 
這就是我需要知道的真相？
 
我和她，只是一時的激情。
 
她和他，才是真正的一對。
 
「…」當下的我沒有回覆。
 
「你唔開心？」
 
「做咩啊？」




 
「喂？」她說。
 
原來想像中美好的一切，都是緣於自己的一廂情願。
 
但這不應該是我一早要知道的答案嗎？
 
思緒交錯之際，我希望可以冷靜一下。
 
「再講喇…」我說。
 
然後將電話掛斷，沒有再理會她。
 
就讓我獨自在那程開往機場的車上，好好的思考一下吧。
 




「其實你唔係應該預咗咩？」
 
「一個壞嘅開始，唔會有好嘅結局。」
 
「你要明白，主導權從來都唔係你到。」
 
腦海中不段想起不同人對我所說的話，當時的我都一一予以反駁。
 
但想起她剛才的說話，我卻失去了所有信心。
 
我是否應該在此刻中斷這條不被祝福的感情？
 
突然間，我想找回和她表白那晚的對話。
 
通過指尖在手機上的移動，我和她的經歷如走馬燈般重現。




 
從她回到台灣後和我的對話及思念，到在香港時我們的甜蜜相處，終於找到那晚，我和她在通話表白之後的對話。
 
「多謝你😘」
 
「出現係我生命入面😛」
 
「用另一個身份🙂」她說。
 
「咩身份🤣？」我問。
 
「一個愛我嘅人」她說。
 
「咁我都應該多謝你🙂」我說。
 




「多謝我咩？」她問。
 
「願意相信我，同我表現最真實嘅你」我說。
 
「傻仔😚」
 
「不過，好希望我地可以好好地」
 
「我唔想再一次經歷🥲」她說。
 
「我明」
 
我不想再讓她想起不愉快的回憶。
 
「我會一直係到🙂」我說。
 
還是給她一點時間吧，這就是我的答案。
 
在兩個多小時後。
 
「你好啊😡」
 
「cut我線？」
 
「你個衰人！」她在訊息中不停的轟炸我。
 
「你到邊？」我問。
 
「唔知！」
 
「你依家嚟都趕唔切喇😡」
 
「依幾日唔使諗住我會見你😡」她說。
 
「我係機場😌」我回覆。
 
「係咩？」
 
「你唔係好嬲，想唔嚟咩？」
 
「你唔同我解釋清楚，你唔好諗住見我😡」她生氣的說。
 
「等我見面同你講🙂」我說。
 
「咁你係邊個出口？」她說。
 
「A」我說。
 
「等多我一陣喇，我攞埋行李就出嚟」她說。
 
女生果然善變。
 
「我依家係到喇，你講喇！」她站在我的面前說。
 
我沒有回應，只是用力的抱著她，不一會她亦用雙手回應著我的擁抱。
 
「做咩啊？」她突然溫柔的問。
 
我們慢慢鬆開彼此。
 
「Sorry，我唔應該chur你…」我說。
 
「傻仔…」
 
「原來係咁咋吓話～」她笑說。
 
「因為啱啱嘅我，突然失去哂所有動力…」我說。
 
她看著我，然後吻向我的嘴。
 
「咁樣會唔會好啲？」她笑說。
 
「再錫多下會好啲~」我露出笑容。
 
「你梗係太掛住我所以咁～」她說。
 
「都係㗎～」
 
「不如你唔好走？」我說。
 
「你又嚟？」她說。
 
當下我沒有再追問下去的打算，也許活在當下已經對我而言已很足夠。
 
「咁你上返樓上喇～」我笑說。
 
「你就想，依幾日我要好好折磨你～」她亦笑說。
 
「睇吓點～」我亦笑說。
 
那晚，我從機場送她回家，同時期待著之後數天的來臨。
 
 
和諧甜美 沒有天意弄人
有甚麼的吸引
誰待我好 我就會不過問
偏偏碰著那壞人 全都誘人
 
全球情侶 故事也相近
寧願天昏地暗
要為錯的人傷過恨過 方算是勇敢
長世間不喜歡開心喜歡痛心
 
喜歡你讓我下沉 喜歡你讓我哭
能持續獲得糟蹋亦滿足
喜歡你待我薄情 喜歡你為人冷酷
若是你也發現 你也喜歡虧待我
我願讓你愛上我更加多
 
－痛愛

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！