《嗰晚，女神竟然攻擊我嘅Coin Master村莊》: 嗰｜in
(…)
我沒有反駁，至於我的朋友為何會這樣說，這就要找回六年前的那段記憶…
響亮的聲音劃破黑夜的寂靜。
「軒哥！！！！今次大撚獲喇！」說話的人叫啊生，和我同宿，個子高大的他留了一抹清爽的頭髮，是個典型的陽光男孩。
「乜撚嘢事？」被他突如其來聲音嚇醒，我立即坐起來四處張望。
「唔係宿舍有事，係我有事...」看來，他又遇到一些感情煩惱。
「你有事？咁關我咩事？」我問。
說真的，和他同宿一年有多，光是他口述的感情史已夠我寫十多個故事，還未計短訊跟我說的那些。
「喂，一世人兩兄弟，係咪咁講嘢先？」啊生說。
「講你就講...」我歎氣，同時為我的肝和耳朵默哀。
「事緣就係咁...」啊生從盤古之初，說到如何認識那個女生，如何相處，如何產生好感，到未來打算如何和她相處，諸如此類...
我放任他不停的說了一個多小時，因為我累得不想說話，然後...
「你明唔明我講咩？」啊生問。
終於，他說完了。
「明啲咩？」我問。
「屌你有冇聽，係咪要我講多次。」啊生緊張的問。
「得喇，即係你溝緊條女，條女想約你去玩，但就話會叫埋個friend陪佢，你覺得三人行，好難同佢相處係咪，又驚佢個朋友背後講你唔好，係咪？」我嘗試將他說了一小時的內容濃縮。
「Exact7ly！所以你真係要幫下我...」啊生說罷拾拾我的膊頭。
「咪住，你唔係打算叫埋我去吓話？」我露出驚訝的神情。
「係！」啊生肯定的說。
「on9！唔去！」我回覆得肯定。
「最多，下個月嘅酒數我嘅！」啊生嘗試用銀彈攻勢。
「No！」我拒絕。
「佢話佢個Friend女神嚟喎！」啊生嘗試色誘。
「咁銀行夠有好多錢…」我再拒絕。
「所以呢？」啊生問。
「所以佢係女神，同銀行有好多錢，都唔關我事！」我說。
「仆街仔…」啊生猶豫。
「最多你之前好想要果張IU海報，我比你！」啊生使出殺手鐧。
聽到這裡，我露出微笑，然後從他手上接過那張戰利品。
「唔好話我對你差，你還返啲的士錢，我或者考慮吓比返張海報你！」我笑說。
「咁你攞去喇！」啊生笑說。
「仆街仔！」我說。
那晚過後，啊生很少再提及四人行之事，或許是之後都忙於和那個女生閒聊吧，這情況一直持續到約會當天早上。
「屌你，軒哥你重未起身？」啊生翻開我的被子。
「幾點啊？」我伸著懶腰，然後翻閱手機。
「差唔多喇！要執嘢！」啊生邊說邊拿出他的背囊。
「行街姐，使唔使揹背囊咁誇張？」我笑說。
「唔係啊，佢地尋日話想改行山…」啊生說。
「屌？你玩鳩我？出面成廿幾度先嚟行山？」我驚訝得合不攏嘴。
「係啊，話行龍脊，然後去石澳玩水喎…」啊生說時口角露出一絲微笑。
原來想大開眼界。
「你玩飽佢，我歎吓冷氣唔好！」說罷我便準備倒頭再睡。
「你係咪咁冇義氣先？」啊生說。
「你望吓出面就真係熱氣喇！」我說。
「屌你搞gag，快喇！」啊生又再一次拉開我的被子。
「唉，得喇！比你搞到個人醒哂！」我說。
就這樣，我心不甘情不願的被拉了出去。
「師兄，重要等幾耐？」我問。
此刻的我們坐在筲箕灣站的月台，看著無數班列車使過，卻仍未看到她們的身影。
「佢話下個站到喇！」啊生說。
「哦…」呆等了一個小時，能有反應我覺得算是不錯。
「咪咁喇！陣間嚇親人就唔好喇！」啊生笑說。
「嚇親人咪岩囉，有我而塊綠葉襯起你，你實得米！」我亦笑說。
「頂你！我見到佢地喇！」啊生撞一撞我的胸口，然後向遠方的兩個女生揮手。
「唔好意思啊，等左好耐？」站在前方的女生說。
「點會…啊係啊，佢叫啊軒！」啊生說。
「仆街仔，講大話…」我心想。
「啊軒，佢叫雅欣～」啊生說時向我打打眼色，我知道這就是他追求的對象。
個子不高的雅欣，卻擁有像歐洲人的深刻輪廓，嬌小的身材穿上了黑色背心和短運動褲，更能突顯她原本豐滿的身材。
「至於而位…」啊生看著雅欣身後的女生說。
「Hello，我叫嘉盈啊～」嘉盈毫不怯場的說。
對比起雅欣，擁有高佻身材的嘉盈都是穿上背心棉褲，卻散發著另類的氣質感覺。相信主要原因來自她雪白的膚色，令她原來精緻的五官更為突出，由其是她那攝人的雙目，再加上她自信的氣場，甚為吸引。啊生沒有說錯，雅欣的朋友的確是一個女神。
「話時話，我地食咩好？」雅欣打斷我的思考。
「不如，飲茶？」我和嘉盈同時不約而同的說出這個選擇。
「你地唔好再夾啲～」啊生笑說。
我和嘉盈相視一笑，沒有多說什麼，如同認識了很久的朋友。
當初，我就是這樣和她邂逅，只記得那天...
其實與你有權 永遠未謀面 年月裡平白錯過 某個友誼或愛戀 － 華麗邂逅
歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！
P.S. 更新情況睇進度，應該會每日更新，除咗星期六日，聽朝10點！