《嗰晚，女神竟然攻擊我嘅Coin Master村莊》: 序｜preface

這個故事到底有沒有發生過，我不清楚。
 
如有雷同，純屬巧合。
 
那晚，手機的通知聆聲響起，好奇心驅使我暫停了正在播放的電影，拿起手機，心中默想著會是誰在深夜時份找我。
 
「KaYing嘗試攻擊你的村莊」
 
原來不是訊息，是來自遊戲的通知，果然毒撚最忌有自信…
 




但令我最意想不到的，是沒有想到原來是她，說起上來我們也有很久沒有見面

然後…
 
「KaYing嘗試攻擊你的村莊」
 
她再一次攻擊，我亦不甘示弱，狠狠的在遊戲中回敬了她不下十數次的復仇，直到…
 
「軒哥，你使唔使下下針住我嚟打😂😂」嘉盈在訊息中說。
 




「傻喇～咁耐冇見，當聚舊姐😋😋」我回覆。
 
「咁睇嚟我要打多你幾下！」她說。
 
「嚟啊！誰怕誰～」我說。
 
然後，又像回到從前那段通宵傾談的晚上，我和她一直談到凌晨四點，從訊息變到電話。
 
「而排你同你條仔點啊～」我問。
 




「唉，唔好提佢。」她說。
 
「又嘈？」我說。
 
「唉，或者當初嘅我，如果唔係揀佢，係揀…」她說。
 
「而啲嘢，冇如果…」我說。
 
的確，有些事情，沒有如果。
 
「搵日出嚟食飯再講，我想瞓喇！」她說。
 
「好喇～」我說。
 
然後我們再斷斷續續談多十五分鐘才正式掛斷電話。




 
「重未分手…咁計起上嚟佢同佢男朋友都一齊咗六年。」我心想。
 
的確，每一次她和另一半吵架的時候，我都會成為她的心理輔導，朋友曾直言我做兵已做到出神入化的境界。
 
我沒有反駁，至於我的朋友為何會這樣說，這就要找回六年前的那段記憶…
 
 
可惜沒如果 只剩下結果 － 可惜沒如果
 
嚟緊出埋下一章之後，就會每晚9點同步更新IG同連登，紙言就會係翌日朝早10點更新，至於IG個排版，純粹想試吓咁樣會唔會靚啲～如果大家有咩建議，都歡迎留言同inbox我㗎！
 
至於小標題名，其實主要用嚟就番IG張圖，或者會有少少圖文不符感覺，大家可以當係章節嘅代名詞咁睇就ok～

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！





P.S. 更新情況睇進度，應該會每日更新，除咗星期六日，聽朝10點！