分手後，遇上你: 白痴一名

「有冇人話比你聽，你好傻？」Jessica覆得好快，睇完之後，我係到諗，呢生確實比好多人話過我傻，但全部都係因為我成績唔好，所以先會話既，但有幾多個係因為我既行為而話我傻呢？我諗得你，不知不覺間我訓著左。
當我醒番既時候，我發現手機有成三十幾個電話未接，而且仲發現有成百幾個whatsapp，重點係全部都係Jessica黎，我拿拿臨打開黎睇，開頭全部都係佢問我做咩冇啦啦唔回佢，係唔係真係傻左，但過左一陣，佢揾我既原因係因為佢好唔舒服，想我去買藥比佢，當我打算睇埋最後一條就去睇佢既時候，佢又再打黎，我拿拿臨接左佢，「喂，點丫，你有冇事丫，我以家過黎睇你啦，對唔住丫，我岩岩太攰訓著左丫。」「唔好講咁多廢話，你快啲黎，我好痛丫。」聽Jessica把聲好似就黎喊咁，
我好快咁著埋3就沖出去，落左屋企樓下，上左架的士就去Jessica屋企，到左佢屋企門口，諗住拍門既時候，發現佢屋企個門打開左，我靜靜地咁推開個門，發現Jessica訓左係地下到，我跑過去，一手將佢一手攬起，不停咁拍佢塊面，「醒啦，Jessica丫，你做咩訓係到丫，你有冇事丫，喂丫，醒啦。」我不停講，不停搖佢，原以為佢會慢慢咁打開眼，點知佢笑左聲就醒左，之後講左句，「白痴，你終於黎啦。」