分手後，遇上你: 面對自己最討厭既野

「咩行動先可以打動到你丫？你講得出，我一定做得到，只要你唔好跟個死肥仔上去屋企，咁就乜都得。」我為左唔要Jessica跟個肥仔番去，我決定答應佢一切要求，反正我相信，冇野難到我既。
Jessica呢個時候，只係冷笑左一下，之後就講，「你冇可能做到嫁啦，唔洗抱咁大期望，因為呢弱野係你最弱既。」，有咩係我最弱既呢？平衡力？冇理由丫，板都踩得唔錯，平均應該唔會差得去邊，唔通係…………「你唔係想我做完成果樣丫哇？真係好大難道啵」，我好緊張咁問Jessica，Jessica依然都係冷笑住咁答我「冇錯就係呢樣，如果你完成唔到，呢一世我都唔會原諒你。」
我要完成既，就係我由細到大都味合格過既平均分，由小一開始，我都係差一兩分合格，可以順利畢業，都係多得我拎得多獎項，所以先比我畢業，但中學開始，我就一直要靠試升黎升班，但今年，呢間學校冇左試升呢樣野，而且我係最後一年，如果平均分唔達標，只可以修業收場。
我知Jessica咁做係希望我可以順順利利，而且我自己都好想，最大既重點係，我一啲都唔想Jessica跟個肥仔上屋企，我諗左一諗，決定好啦，「冇問題，講得出，做得到！」