分手後，遇上你: 一切都係自討苦吃

「請問我既事同你有關咩？而且你係我邊個，你邊到有資格管我啲野丫？你估你係我邊個丫？唔該你唔好再出現係我既生活之中，由你同我分開既果一刻，我就當你死左，你知唔知頭幾日我日日以淚洗面丫？你知唔知我個心有幾痛丫？點解你要咁做丫？點解丫點解…………嗚……」，結果同以前一樣，一講到好激動就開始喊。
其實諗真一層，事情根本唔會發生成咁，一切都係我一手做造，或者咁講，如果唔係我自己諗埋一邊，呢一刻，陪住Jessica身邊既應該係我，「你咪理我係你邊個，總之我唔准你同呢個死肥仔一樣，拿，肥仔，醒目既就自己走，咪逼我出手。」我指住個肥仔講，個肥仔搖左一搖佢身上既肉，之後好串咁講，「邊個丫你？咁同我講野，你係咪想死丫你？Jessica，我地咪理佢，我地走啦，上我到食飯，我煮比你食。」仆你，望住個肥仔一面淫笑咁講野，我真係好想一拳打落佢到，「肥仔，你咪咁串，Jessica咪聽佢講，唔好上去，一睇條友個樣咁淫，一定唔係個好人啦，我唔准你上丫！」我好激動咁捉住Jessica咁講。
Jessica只係講左句「用你既行動黎打動我，令我原諒你，我就聽你講。」