分手後，遇上你: 紅顏知己

佢呆左一呆，之後對住我露出一個微笑，然後用佢美妙既聲線答我「可以，我叫Jessica，得閒就搵我傾計啦，我4d班嫁。」因為咁，我地慢慢多左傾計，同時我都了解左佢好多野，原來佢十歲以經環遊世界過，但佢家庭唔係好有錢，只係因為有一個中意去旅行既老豆姐，所以十歲以經環遊世界過。
有一次因為屋企發生左事，我好唔開心，當時我想搵一個人傾計，我打開部手機，係咁多個聯絡人之中，考慮緊應該叫邊個黎陪我傾既時候，搵搵下手機竟然死左機，我心諗「Fuck，好死唔死，家陣先黎死，唔通連個天都想玩化我。」當我望下個聯絡人係邊個既時候，我真係笑左，因為果個就係Jessica。
當我拆左手機舊電出黎，重新裝番之後，我竟然好自然咁打去比Jessica，叫佢出黎陪我，佢知道左我屋企發生咩事後，二話不說就打的去東區醫院搵我。佢見到我既時候，我坐左係馬路旁邊，食住煙，係我前面，一地都係煙頭………………佢見到我咁，竟然唔係黎安慰我，而係一巴咁車埋黎，我個時望住佢，見到佢竟然係到喊。
當時我都呆左，唔知道應該講啲咩野，我只係企左起身，行到佢面前，打開我既懷抱，張佢摟實，而佢冇反抗。