《我老婆唔係我女朋友》【那些年／日常／校園】 第一至三章: 【第三章】 會不會剛好妳也喜歡我（２）
出乎意料她沒有一絲遲疑，幾乎是甜笑著秒回：「好吖～」
輪到我打個突，正常的林心穎點都會駁下嘴，東拉西扯的不會正面回應我的問題，又會咁順攤嘅？「誒…我…妳…即係妳做女朋友喎？」我有點膽怯弱弱的再問。
她橫了我千嬌百媚的一眼（今日女神降臨，真係千嬌百媚嘅）。「人哋都話好喏，我成日都有聽你話㗎，你自己唔記得啫，你叫我唔好同男仔跳舞係咪？你又叫我走失咗企定等你搵嘛，係咪？」
我𢯎𢯎頭：「又好似係嘅。總之唔准離開我太遠呀，仲有將來有乜嘢唔開心，直接講出嚟呀，我無妳轉數咁快，估唔到㗎。」
「嘻嘻，我知你係渣啲嘅，跳舞都唔識。」她輕輕握一下我的手，溫柔的繼續說：「你呀，拖住我唔鬆手咪得囉，你肯拖實我，我就唔會擔心，況且我從來無甩開過你㗎。」確實自從第一次K房拖她，她從來未有縮手或反抗。
她說完眨眨眼又繼續：「你好遲鈍㗎，人哋以為你會好快有行動㗎嘛，成日叫你嚟陪我你又照嚟，但又唔識表示下，好渣呀～」
我膛目結舌，哎吔，妳條十月芥菜都算衰喇，自己唔主動竟然嚟賴我！？算～今晚硬食折讓價，面子上蝕少少，反正賺咗個女朋友返嚟，唔同妳計住。「仲好講，我哋唱完K妳就病咗喇，原本諗住第二日食住上嘛，點知妳又斷人米路。」我用返之前在K房拖她時的招數，在手握手的情況下空出一隻手指尾擳佢手心。