《我老婆唔係我女朋友》【那些年／日常／校園】 第一至三章: 【第三章】 After Party @ 老蘭（１）
After Party @ 老蘭
雖說是跨年舞會，但聯校籌委會將舞會的完結時間定在10點半，只由MC口頭建議大家散場後，行行海傍「順便」作跨年倒數，巧妙地避開了責任問題。
Post Prom（也有人叫After party）是參加舞會的餘興節目，有說這種餘興才是真正的「戲肉」，因為沒有籌委會的監管，可以玩得更加盡興、隨心，也是最常「搞出人命」的場合，多少大專生也是在這晚榮升父母；能成功約到心儀舞伴，或本身已有同伴的，自然會期待並樂意參加。
由於並非官方的餘興，並沒有牽頭的單位，因此眾人之中必須要有條「棍」才會有下文，當天「雅典娜保衛陣線召集人——濕狗諸葛亮」就算到，所以早將這條「棍」拉入局…容我不厭其煩地再次重申，此棍非是紅棍。
馬飛不知從那裡鑽出來搭著我的膊頭：「喂，搵到partner喎，介紹嚟識吓，一陣一齊玩下場啦。」他一邊講一邊望向我身旁的「舞伴」。「咦？妳係…嗯？阿…心？！妳都有嚟咩？」
阿心只對他微笑點點頭，由於可以預期呢條友會繼續自說自話，我也懶得跟他搭嘴。
果然他繼續說：「仲好，一齊落D再跳啦喂，呢間酒店隔籬嗰間【Bar City】成日見到杜T偉噃，見識吓真人都好吖。」
仆佢個街，跳咗成晚仲跳？真係想叫佢「跳你老舞」，遂斬釘截鐵的回答馬飛：「落D就唔好預我嘞，我跳到腳痛喇。」轉頭細聲跟阿心投訴：「最衰係妳。」
馬飛身旁的阿May也附和：「而家落D周圍都爆棚啦，不如去老蘭啦，好似電台搞倒數活動喎。」