《我老婆唔係我女朋友》【那些年／日常／校園】 第一至三章: 【第三章】 還是覺得妳最好（１）
還是覺得妳最好
「Ladies and gentlemen, boys and girls, here comes the last FIVE. My friends, seize the moment and make it perfect!」我正軟攤在椅子上休息的時候，DJ突然𦧲晒脷噉宣佈了一段英文，馬上引起場內一陣騷動。
我茫然望向阿心，她剛取了杯橙汁回來給我。「頭先講乜嘢？係咪散場喇？」
阿心皺眉嗔笑：「你有無搞錯呀，佢話last FIVE呀，即係最後5隻舞，有特別意思㗎，係鼓勵男生如果有心儀嘅對象，就要把握最後機會請她跳舞嘞，正常last FIVE嘅5隻音樂係唔會中斷嘅，亦即係話只要男生能夠成功邀請佢心儀嘅女生共舞，就有5隻舞嘅時間霸住個女生，直到舞會完結。」阿心坐在我旁邊娓娓道來。
我露出原來如此的表情，即是有買就好趁手了，難怪霎時間場內人聲鼎沸，看來是狼狗擒羊的最後機會了。
忽然阿心用手踭輕碰我一下，嘟嘴向外面呶呶，緊張的在我耳邊說：「才俊呀！」
我看到有條友筆直的朝「雅典娜」方向靠近，意會到應該是一條飽食檸檬的油頭毒隱，企圖海底撈月搏食尾胡。（隔離屋陳婆教的，佢經常嘲笑我話「衰家食尾胡」）
之前聽到阿心話last FIVE，等於舞會進入尾聲，我還在心裡歡呼「終於望見家鄉了」，可是現在見到條友噉樣嘅起手式，似乎佢先係終極大佬「雙子座撒加」，佢鹵味俾佢拉住「雅典娜」跳5隻舞仲得了？（我幾乎喺阿心旁邊爆：佢試吓行埋嚟吖，我「啫」都切咗佢呀。好彩忍到口。）
才俊 you want to dance？Fine～let's dance！