《我老婆唔係我女朋友》【那些年／日常／校園】 第一至三章: 【第三章】 當蘇妃遇上雅典娜（２）
「嘿，妳真係當我Lulu喎，我有排同妳計呀。哈哈，又會真係有人叫Lulu咁好笑嘅。」記得三色台播完《大時代》後，緊接著播放的劇集《兄兄我我》，開播時不被看好，就連我媽也關電視罷睇，想不到這齣劇後勁淩厲，梅小惠在劇中的口頭蟬講到街知巷聞。
「哈哈，你搵Lulu就出舞池啦。咩呀，佢無解你知咩？我哋中三時英文老師要大家改英文名嘛，佢姓呂Lui，咪叫Lulu囉。」阿心娓娓道出因由。
「啊哈，佢淨係話佢係『Lu竹』咋喎，妳係小雲嘛，噉妳個英文名呢？」我不知好歹的隨口問道。
阿心眼勵勵啤咗我一眼：「我咪叫Sum囉！個阿sir吹我唔脹喎。」看來「小雲」這句真・禁咒一出，召喚獸老虎乸會立時現身，急急如律令！
在我吃三文治時，小吱喳又開始報告她今天的行程了，近來她漸漸有個習慣，每次她自己有活動後，都會钜細無遺的說給我聽，想來是希望可以分享她的喜悅和感受，所以我也樂得一直聽她說話，既可以瞭解她的近況，又不用我特別回應，而我也愈來愈享受這種相處模式。
話說今早4個女生去了其中一個舊同學家中一起化妝，因為這個同學的家人是化妝師，所以有專人指導和幫忙，那些首飾也是從這個同學家中借的（我搭嘴：個夾嘅耳環都幾靚吖！），中午蘇菲安排了一輛七座位私家車，接載她們一起吃自助午餐然後才到會場（我又搭嘴：唔怪得咁飽啦），為食妹還不忘告訴我甜品有很多選擇呢。