《我老婆唔係我女朋友》【那些年／日常／校園】 第一至三章: 【第三章】 當蘇妃遇上雅典娜（１）
當蘇妃遇上雅典娜
會場內的來賓已經差不多有二百人，大部份人都是便服上陣，穿波鞋、牛仔褲的比比皆是，所以不要誤以為這種聯校「舞會」，還是那種傳統的衣香鬢影，實際上是比較似聯歡晚會多一點；臺上有DJ在打碟（放音樂吧，始終不是落D），MC亦間歇的邀請相關人士發言或拍照，看起來似乎都是蘇菲父母的商業夥伴，情況有點像《銀禧星輝賀台慶》，噢，上月剛播完三色台成立25年的台慶，他們將「萬千星輝」改名為「銀禧星輝」。
阿心帶我到一旁的座位：「我哋坐呢度啦，我啲袋都放喺呢度，我攞杯飲品畀你吖。」她熟門熟路的跑去取飲品。
我這時才有空四處張望會場內的情況，舞會自然有人在跳舞，也有人在飲飲食食，有更多的三五成群坐在一旁談天，唔知馬飛班粉皮喺邊呢？望多兩望，阿心帶著飲品回來了。「嗱，呢杯你嘅，你同我都係飲橙汁好嘞，肚唔肚餓呀？」
確實坐了個幾鐘真的有點餓，我點點頭。她抿嘴笑著白了我一眼，又走去取食物。
我又趁空檔東張西望，隱約見到蘇菲滿場飛，說時遲那時快，阿心又攞了碟三文治回來，有點不忍見她揗嚟揗去的，拉著她坐下：「坐吓先啦，又話攰，行嚟行去做咩啫，妳陪我食吖。」
她在我旁邊坐下，擰擰頭的說：「唔食喇，我招呼大爺你嘛。（我插口：咁好口？）你等咗咁耐，應該嘅。」