《我老婆唔係我女朋友》【那些年／日常／校園】 第一至三章: 【第二章】 朋友以上，然後呢？（３）
自從那天因為擔心她而衝動地跑上她家後，我一直也都暗自警惕，會不會走得太快，靠得太近呢？而且那次K歌之後她又沒有再表示些甚麼，雖然我也有想過趁勢表白，或是借故再拖她手，可是一來自慚形愧，對自己毫無自信，二來怕一旦表白失敗，可能連現在比較親密的朋友關係也保持不了，是以一直猶豫不決。
今天結伴放學，湊巧大家都不用返兼職補習，回到石硤尾正準備各自歸家之際，阿心失驚無神的問我：「欵，識唔識去侯王道呀？」問得有點閃縮。
佢又嚟料了。
她貓咪的性格是比較隨性，不愛事事規劃，就算有想做的事情，也情願隨緣被動（今天叫做「佛系」），跟我有規律的性格大相逕庭，我不用補習就鐵定回家打機！黐住張凳郁都唔郁。
「識～呢度搭九龍城小巴，去到【國際】落車，下個街口行入去咪係囉。」我斜眼望著她，明明九龍城小巴就在她家門口有得坐了。
「但我唔知去到邊度係【國際】喎，你估上車叫司機提我可唔可以呢？」她仍是避開唔講乜嘢事。
我好奇的問：「妳想幾時去呀？」
「橫𠶧無嘢做，可能而家去行吓囉。」她無可無不可的答道。
「妳請我食嘢我同妳去啦，費事妳一陣蕩失路又打嚟嗌救命呀。」反正回家也是打機，多陪佢一陣，多一點共同話題也不錯呀。
知道她經常都不置可否，所以我們的相處，小事情我都會幫她下決定。
「啊呀？怕你悶喎，我去睇書呀。」她答得有點醒神，看來我又講中了她心事。
「噉妳睇完書再陪我巡視業務得唔得呀，九龍城都有嘢睇㗎，行啦。」拉著她在街口上了小巴。