《我老婆唔係我女朋友》【那些年／日常／校園】 第一至三章: 【第一章】 總書記是個女生？（２）
大專課程聲稱的靈活性呢，就是你可以自決選修科了，我想火腿通改麵，唔要腸仔要煙肉，通通都可以自由配搭，甚至原本今年要吃腸仔的，編去下年才吃，或者因為逢星期一要返兼職，故意將科目調走變成星期一day off，要是不喜歡某個廚師，覺得他每每煮燶嘢（Killer教授），故意選另一個廚師的餐也都可以。有些科目是沒有倚賴性的，可以自定早修或遲修，由於要善用資源，SAO會將每一個套餐的上餐次序，排列成不同的樣板供學生參考（A1餐，Year 1食煎蛋和腸仔，A2餐，Year 2才食煎蛋腸仔），所以要揀食物、用餐時間、心儀廚師，必須要在註冊日早早排隊搶位（聞說現在是上網搶的），套用以上「今年腸仔下年食」的例子，我現在的情況就是舊年食煎雙蛋這科目時哽嚫，所以就亂入咗另一個課程組合裡面重食煎雙蛋了。
死死地自己一個入去課室，不幸中之大幸是，竟然看見有熟悉的面孔，而且非常熱情的招手叫我過去一齊坐，苦惱的心情得以稍稍舒緩。熟悉的面孔是個叫馬飛（Mcfly電影回到未來中男主角的姓氏）的高大男生，大家是同系的，Year 1參加O Camp時一齊玩過，是俗稱的O mate。
Orientation camp即是迎新營，這些迎新活動會有不同學會籌辦，X學會Y社團、大大小小、正經唔正經的都有，一般來說是讓新生結識新朋友，盡快投入校園生活吧；原本我參加迎新營時，也對那些濕狗集體遊戲，要舐分組組長（今天稱呼做組爸組媽吧）的袋底，也感到極度厭惡，可是到這一刻我才真正慶幸我有參加；所以話O Camp係應該要去嘅，討厭濕狗遊戲無問題，這證明你智力健全，鄙視組爸組媽的行徑都唔緊要，只證明你還有作為人的尊嚴，唔好盤算去溝仔溝女食好西，揸緊宗旨去識第一批同學，為「識人好過識字」打好根底才最重要！