《我老婆唔係我女朋友》【那些年／日常／校園】 第一至三章: 【第一章】 flirt仔神曲（４）
突然她放聲大笑出來，原來她剛才忍著笑，邊笑邊喘氣：「我唔識點做無人鍾意…你…呀…」想起這句獨白有點不妥，愈說愈細聲。
「唏呀！黐線妹，妳嚇死我呀。」我也順著她的口頭蟬叫她，最後大家一齊都忍不住捧腹大笑，在沙發上東歪西倒，結束了這場另類的「咪嘴」戲碼。
幸好我仍然背向她坐，否則要面對面聽《紅茶館》，可真的有夠老尷了。
接下來的時間，我們開始商量怎樣走人了，雖然有默契一齊離開（因為班歌手正常都唔會在午夜前掛咪的），但為免畀人唱，都要花點心思。最後決定由我先離開，10分鐘後才到阿心離開。
依依不捨的在背後放開她的手，打個眼色後起身走人，向主持人馬飛打個招呼，他也無暇理會，只拋下一句：「咦？唔係等埋一齊走咩？」
我也敷衍了事：「唔喇，眼瞓呀，聽朝我嗰堂返八半（08:30）。掰掰喇。」告別眾人後，逕自走到酒店大門（Red Box在地庫）等了一會，阿心也上來了。
我問她班友有無懷疑，她笑了笑：「無呀，佢哋都仲掛住唱，無乜理我。呀～未行得住，我要打個電話先呀。」我下意識的在想，莫非要立即跟男朋友報到？都係嘅，這些機會不是我的。
可能見我發呆又臉色不善吧，阿心推了我一下：「入酒店大堂打電話啦，我打返屋企咋，要講低我宜家返嘛，你諗咗去邊呀～」橫了我一眼。