《我老婆唔係我女朋友》【那些年／日常／校園】 第一至三章: 【第一章】 flirt仔神曲（３）
當《紅茶館》前奏響起時，我倆都自然而然暫停了卿卿我我，一起靜靜的聽歌，不過背地裡仍然互相牽著手（♥）。當去到中段獨白部份時，個衰妹又作怪了，微微的握了我手一下，示意我擰轉頭望她，面上表情戚眉弄眼的。
（現場霸到發聲獨白的是壽星女阿May）
我
阿心
阿May 〈♫ 欸～喺度諗緊咩呀？諗緊你女朋友哩 ♬〉 【表情＋動作演繹】阿心先揚揚眉後又皺著眉，似笑非笑的嘟嘴向我呶呶。我竟然又估到她想點喎。
馬上扮無知樣，搖搖頭表示「無呀」。見我居然「搭到嘴」，她不忘開心的笑了笑，去到第三、四句獨白。
〈♬ 你冇女朋友？梗係唔信啦 ♫〉 【表情＋動作演繹】她豎起並只郁動食指又嘟嘟嘴，自左到右來回作出水撥般的手勢。
我適時聳聳肩又攤手，表示我都唔知點解㗎？到第五、六句時。 〈♫ 冇…理由㗎！你…你幾好吖 ♬〉 【表情＋動作演繹】她用手搔搔腦袋，再豎起拇指作出一個GOOD的手勢。正當我期待她會怎樣演繹第七、八句時。
〈♫ 點會冇人鍾意你喎？或者有…你唔知啫 ♬〉這尤如轉體720的超難度動作，只見她垂下了頭，兩肩在顫抖輕輕抽搐，搞到我有點不知所措，微微的反握了她的手：「喂，做乜呀？」