《我老婆唔係我女朋友》【那些年／日常／校園】 第一至三章: 【第一章】 管治在「菩薩」（２）
而那位娘娘財務幹事，亦以她老爸公司（聞說是實業和出入口公司）名義，捐出另一筆8萬大洋的贊助費另加部份活動實報實銷，條件當然也是「菩薩」成功當選了，而據說年度計劃書和財政預算，已經由她老爸公司的會計部幫忙指導，準備了「菩薩」版本，基本上在大會前已經有亮麗的修訂本供大家過目。
聽說一般大專生搵贊助都相當困難喎，佢哋隨便都𢯎到13雞返嚟做營運資金，係唔係作故仔㗎？當年經濟環境好，以4A Agency來說，做一個「紅萬」的campaign連廣告製作，已經有相等如拍攝一部電影的經費；世界各國又因為仍有關稅和禁運等問題，使出入口公司只靠炒賣貿易quota都賺夠皮，與其將盈利交稅，倒不如將開支（贊助）煲大，企圖繳交低一級的利得稅稅率，這種「因加得減」的財技可說是相當普遍，不過話說回來，贊助費這麼容易就水到渠成，姊幹父幹也有莫大的關係，起碼我就無啲噉嘅門路了。
到諮詢大會那天，一如所料，到場參與諮詢的學生絕無僅有，只有舊莊幹事和幾條老仙壓場，已經畢業那兩件老餅，還好意思介紹自己在做Officer的工作（我以為以佢哋咁一表人才，一畢業起碼都做經理啦），反而我們一眾打氣和食花生的同學，就擠滿了半個活動室。