屍殺某街50號: 屍殺某街50號 (二十) 無力

女神喺最後一刻飛咗入去，鐵絲網亦好無情咁刪埋，而且重係刪得好澈底嗰隻。

因為我見到女神臨尾有一束頭髮被鐵絲網夹住左，不過就好快變晒做灰燼。

我都估到嘅喇，啲黑色鐵絲網一定通晒電定唔知咩喇頂你，家下連頭髮都飛唔出呢個鐵絲魔掌，試問我憑咩走。


頭先拋一拋女神，令我同女神一樣，成個扒咗喺地上面，不過幾舒服，大家都想起身住，我哋真係無晒力喇。

我同女神隔住個電網對望，大家都知發生咩事，而又大家都唔知講咩好，望多兩望，佢又喊喇。






「喂，唔好咁啦，你無事就得，我等陣去搵第二啲出口，難唔到我嘅。」唯有求其講啲嘢安慰佢...

見佢咬實個唇點一點頭，真係好堅強。

睇清楚，女神家下身處嘅地方距離鐵絲網好近，我正提醒佢退後返少少，但喺樓梯口嘅黑暗之中，突然有隻手喺佢頭頂位置伸出黎，隻手好粗糙，係之前追住我哋嘅男人。


屌佢老味，佢一手就扯住女神嘅頭髮，再將佢成個稱起，女神尖叫，好驚，係咁叫我「鐵 !! 鐵呀 !!」





我即時彈起身大喝「喂 !! 放開佢呀 !!! 仆你個街 !! 放開佢 !! 」同時我終於睇到男人個樣，喺一個中年人。

呢個人成面豆皮，喺度目無表情咁望實我女神，完全無打算理我。

事實上，當時我除咗大叫大鬧，跟本就咩都做唔到，真係好心急，好無助。

續 (二十)