地下鐵的約會: 4.1 葵芳

4.1 葵芳
上車後，我倆坐在一起，氣氛異常的尷尬。
「呃...咁都見到妳真係緣份啊...哈哈哈」我尷尬地打開話匣子
「係啊，真係咁橋你都坐呢架車」她莞然一笑
「我同同學去旺角食飯咋嘛」我說
「我都係喎，嘿嘿」她又笑了
「你都住...麗城？」我大膽地問
「係啊，你都係？」她問
「坐得呢條線都應該住麗城啦」我說
「你啱你啱」她尷尬地說





我出言不慎結束了話題，令氣氛再次尷尬。

「啊，上次攞左你枝筆，宜家俾返你」終於找到話題了，我取出那枝鉛筆
「唔該晒，估唔到你記得」她帶著微笑將鉛筆收好

她的笑容，很真實，很燦爛。
她取出筆袋將筆收好。

氣氛再次尷尬起來，我唯有努力想出一點話題去破冰。





「呃...點解朝早坐小巴唔見你嘅」我再次說出令人尷尬的話題
「我坐34M㗎，07:05嗰班」她說
「唔...咁咪好早，上次我見到你都07:25，你係地鐵站等左陣？」我不解地問
「嗰日咁啱我要增值先慢左，正常07:20我都上左地鐵㗎喇」她微笑著說
「哦...」我若有所思地說

「下一站 灣景花園總站」

「係呢，你電...電話係乜，不如交換個IG？」不知為何我竟然主動了




「好啊」她遞給我讓我看她的IG帳號
「你叫咩名？我叫浩然」我大膽地說
「噗哧，你個名咁九十年代嘅。我叫玥婷啊，多多指教」她的一笑很傾城，更遞出了她的玉手

我戰戰兢兢地伸出手時，卻被打斷了

「到站就落車啦，阻住晒」

幹，這礙事的巴士佬。


待續.
—————————
每天幾分鐘 共你心聲已互通
4個站，我和妳心房的距離