地下鐵的約會: 3.2 葵興

3.2 葵興
一星期過去，又是一天上課日，而且我最不熟悉的科目Econ湊巧有quiz。
「唉如果佢喺度就好喇」我嘆氣
不知為何，我竟有點想見到這個他這個陌生人。

「睇黎有人中晒毒喎，佢好靚仔咩」Jenny問
「又唔係嘅，但係又好想再見佢」我托著頭說
「佢攞左你枝鉛筆喎，可能佢會誠心等你還俾你呢」Jenny說
「望就咁望啦唉」我持續地嘆氣





「呼～終於落堂喇，去邊度食飯啊」我問Jenny
「唔好成日奧運食啦，落旺角啦」Jenny看著她的手機說
「行啦」我說

朗豪坊的Food Court很多人，卻尋不到他的身影。

「你知唔知人地住邊㗎？」Jenny咀嚼著口中的吉列豬扒說
「唔知㗎，但係佢荃灣上車咯」我說
「吓，荃灣咁大，你點知佢住邊頭，你估個個都住你嗰度咁偏僻，麗乜鬼嘢話？」Jenny問
「麗城啊，去過咁多次都唔記得」





Jenny一直偷窺著隔壁的帥哥，我卻心不在焉。
「你睇吓隔離嗰個幾靚仔，肯定有肌肉」Jenny一副垂涎欲滴的樣子說
「噗，你原來仲花癡過我」我不禁笑了
「咩喎，咁人地真係咳...咳咳」她喝珍珠奶茶嗆到了
「抵死啦哈哈哈哈」我大笑

「唔使諗咁多啦，你地有緣自然會再見㗎啦」Jenny說
「知道喇，唔好太上心吖嘛」我沒好氣地說
「我驚你未相戀先失戀咋」她嘆氣




「得啦，我知點做㗎喇，走喇，聽日見」我和Jenny分道揚鑣

「咁就隨緣啦」我對自己說
「弊，唔記得頭先睇仲有3分鐘就有巴士」我連忙狂奔追車去，幸好剛好追上巴士

「嘟～」竟然餘額不足？

前方的男生轉過頭來，我倆眼神一碰上

「係妳？」我和他異口同聲說

待續.
—————————
我好想好想碰見你，你知道嗎？
5個站，我和你心房的距離