當問題少年遇上問題少女: 70.依照計劃嘅game 2

雖則梓晴係第一次打學界，但係佢係之前嘅比賽，都將節奏控制得好好
 
但係今場係決賽
 
少不免會有心理上嘅壓力
 
所以對方一開波時，梓晴有少少手忙腳亂
 
可以話係俾人撳住黎打
 




雖然係咁，但係佢都用自己嘅技術黎補救下
 
第一局中段，比賽呈現膠著狀態
 
你一分呀，我又一分咁
 
不過我地仍然係依住阿爸俾我地咁指示進行比賽
 
就算係跟足指示出賽，但對手都唔係簡單
 




梓晴係第一次休息果時都開始要深呼吸換氣
 
係場邊，阿爸對我地落指示
 
「暫時幾好，你地繼續示弱，做長敗將軍」
 
「長敗?但係世伯，而家分數好接近喎」
 
Polly係爸爸身邊問
 




「妹妹，我地而家用計謀去贏對方。如果下下同對手鬥攻，的確場波係好睇，但係傑仔同阿晴體力會消耗得好快」
 
「用計謀呀…唔…」
 
阿爸胸有成竹咁講「信我啦，對手就快狂攻，我地就係佢不停進攻果一刻，突擊對手」
 
第一局休息完畢
 
對方女球手(好受男同學歡迎，不論自己學校定對手學校。佢上身比較重少少)
 
不停用力殺波(一個大家好鍾意睇嘅動作)
 
而梓晴做左樣對手冇諗過嘅野，呢招係網球常用招數，不過梓晴借左黎用
 
佢趁人地殺波果一刻，衝左上前黎個上網




 
一時間我仲以為佢係舒拉寶娃
 
佢呢一球上網，令對手跌左眼鏡
 
可能將羽毛球當成網球咁打，佢地都係第一次見
 
呢一招，係阿爸教佢
 
等對方覺得摸熟自己球路果時，同佢地黎個突擊
 
用d出其不意嘅招數
 
發球上網呢一招就係咁樣諗出黎
 




第一局我地依住阿爸俾我地指示去長敗，不過永唔輸超過10分
 
差唔多係時候，我覺得我地要留返d力去下兩局
 
所以我同梓晴開始放軟手腳
 
第一局完
 
我地以12-21先輸第一局
 
不過我地成功將對手大量體力消耗
 
第二局開始前，我地係到傾戰術
 
「第二局，阿仔你同阿晴交換位打，你主攻對方女球手，阿晴妳係後方不停用遠攻，迫個男仔出錯」




 
「咁樣…真係有用?」
 
阿爸點點頭
 
「信我啦，個男仔基本功冇你地咁扎實，三至四球後佢會出現失誤」
 
梓晴臨出場時，雙手拍一拍自己塊面，等自己醒少少
 
「仲緊張?」
 
「少少一定有，我地落後緊一局」
 
「所以呢一局妳要發揮自己表現出黎」
 




「呢句話我同返你講」
 
「好似係妳緊張d喎」
 
「乜你唔想….贏左之後同我…唔…一齊行落去咩?」
 
梓晴講完就行返出場
 
望住佢背影，睇黎我要落力d打先得
 
第二局開始，我地依照計劃咁打
 
我係前面盡快救波打去對方後場
 
梓晴不停係我地後場殺波過去
 
一如阿爸所料對方個男隊員嘅基本功唔太扎實，當梓晴一打個對角過去，佢每次都回得好辛苦
 
佢係靠身高去彌補技術上嘅失誤
 
不過佢應該唔救得幾多次
 
當真去到佢同梓晴互猜第四球果一下，佢終於失分
 
呢一分得黎不易
 
雖則話對方基本功唔實，但實力都仲係有
 
當我地贏到8比3果時，對方開始發動攻擊