當問題少年遇上問題少女: 54. 兩位姊妹隊長

「妳…妳點做家姐架!!!同個妹打波，都唔知佢唔舒服架咩!!!」
 
「Daddy呀…」
 
家姐?妹妹?
 
「唔好鬧個女啦大佬!!寶恩唔知個妹有腦腫瘤架」
 
潘教練係我地身邊講
 




「Maggie叫趙寶恩，Polly叫趙寶利，佢地係堂姊妹」
 
呢個時候，我走到Maggie面前
 
「趙生，Polly唔舒服係我發現先，係我冇阻佢同Maggie比賽，責任在我」
 
然後醫生就叫左Polly屋企人入去睇下佢
 
過左一陣，兩家人行出黎，就到我地入去睇下Polly
 




Maggie就仍然留係入邊照顧自己個妹妹
 
「家姐呀…妳休息下啦」
 
「點解妳唔同我講呀?」
 
「我講左之後，妳仲會俾我打波咩?不過算啦，我冇可能再打波啦」
 
「Polly….」
 




「Jessie?以後要麻煩妳啦」
 
「妳要我返出黎嘅原因，就係妳唔可以再打波?」
 
Polly佢點一點頭
 
「我唔可能因為咁而叫家姐轉校過黎幫我….所以我只可以搵妳…」
 
梓晴雙眼濕濕咁點頭
 
「我應承妳，我會代妳打單打，同埋暫時代理球隊」
 
「暫時?」
 
「我知妳一定會返黎」




 
「所以我搵左Clarance幫妳，佢會留低幫妳手打理球隊」
 
「Polly妳放心休息下啦，醫生有冇話幾時做手術?」
 
「下個月….會做手術」
 
「洗唔洗剃頭?」
 
「唔洗…」
 
「咁妳唔好擔心咁多啦，唔洗剃頭髮，妳仍然係咁靚女」
 
「我唔擔心自己靚唔靚，我擔心嘅係….到學界開始果時，我可唔可以復出…」
 




「妳仲諗打波做咩呀，休息下先啦」
 
「家姐呀…」
 
「快d休息，羽毛球d野，家姐幫妳處理」
 
我地留低Maggie係到照顧Polly，之後我地就返左屋企
 
係屋企內，梓晴悶悶不樂
 
「妳擔心Polly?」
 
「點會唔擔心佢….」
 
「總之妳放鬆d啦，佢又唔係癌症，只係腦腫瘤」




 
「我真係好想同佢拍多次雙打，我仲想同佢分勝負….」
 
我第一次攬實梓晴，佢面紅紅咁望返上黎
 
同時佢捉實我雙手
 
「你…要幫我先得呀…」
 
「臣，領旨」
 
係我地食完晚飯之後，我坐係電腦前，翻睇其他隊友比賽片段
 
而家Polly養病，女單個位要搵人補上
 




係咪要梓晴打埋女單呢?其實我唔太想，我怕佢會攰
 
但係又有邊個代替到Polly呢?
 
Chloe? 佢技術係有，不過實力同Polly相差太遠
 
Michelle同Jeanie? 佢地兩個係女雙固定組合，盡可能都唔好拆開佢地
 
仲有其他隊員，我睇完名單先發現，原來Polly一直自己一個出戰女單
 
佢完全冇副手去幫佢
 
如果抽走梓晴，混雙組合就要拆檔
 
但係唔拆檔，女單就唔會有人打
 
原來Polly一個人自已帶得咁辛苦，真係唔可以睇少呢個大小姐
 
「你仲係到研究緊?」梓晴溫柔嘅聲音係我背後傳出黎
 
「而家要搵人代Polly個位有D麻煩」
 
「有問題?我地仲有幾個隊友可以單打」
 
「我知呀，不過妳都應該清楚，佢地實力同Polly相差好遠」
 
「咁…不如我去打埋單打」
 
梓晴坐係我床上邊，陪我一齊睇片
 
正想我轉身問佢意見果時先發現，佢又走光