當問題少年遇上問題少女: 18.初次拍檔

就係咁樣，我就代替左文浩，係下學年出戰混雙而我拍檔就係Jessie
 
文浩有冇唔開心?佢當然冇啦，仲要非常開心果隻。因為佢多左時間陪Chloe去街，而我呢?就俾佢扔低左係真光練波
 
練習開始，繼續係基本接波回波，Jessie係呢一方面做到好足，話佢係努力家真係冇錯
每一下殺波，都比起上一次我同佢對打進步左少少，莫非佢真係好似Polly咁講，自己不停練習?
 
休息時間，我自己坐埋一邊，呢個時候，Polly拎左枝水俾我
 
「啦!俾你架!」




 
我用一個好無奈嘅眼神望住佢
 
「做咩呀!?仲嬲我呀?」
 
老老豆豆，我真係有d驚Polly，一陣佢突然話我非禮佢點算呀?
 
「冇，點敢呢」
 
「唔好嬲我啦」




 
「邊有嬲妳呢」
 
「錫返你補數啦」
 
「唔好啦，Jessie係到」
 
Polly周圍裝下「你做咩咁緊張佢點睇你?」
 
「費事佢諗起小學d事」




 
「不過呢，提你一樣野」
 
「咩野?」
 
「Jessie一打波果時，佢就會變成第二個人」
 
「見到丫，上次同佢打，佢都唔留手」
 
Bb!!!!!哨子聲響起，我地又返去自己組別練波
 
今日我將會同Jessie第一次拍檔，禮貌上，都要同佢打聲招呼
 
「Jessie妳好…我係…」
 




但係佢反應真係好冷淡
 
「冇所謂，拍邊個都一樣」
 
「咁自負?妳唔記得上次輸左係我手咩?」
 
佢用凶狠眼神望一望我
 
「做咩呀?想覆我桌?」
 
此時Polly過黎打圓場「好啦!準備練波啦!!!」
 
今日我地練習對手仍然係Michelle同Jeanie
 
首先由對方發球，Jessie回左個波俾對手，佢地好快回個波過返半場，正當我想去接波果時…..




 
Jessie成個人企左係我前邊爭波打
 
算，第一球由佢
 
Jeanie好快又回返個波過我到，正當我想打果時，Jessie又出現係我面前
 
又爭波打
 
「喂喂喂，妳企返自己位好唔好?」
 
佢睥一睥我，就好似同我講緊，佢先係主導
 
既然妳要玩野，我就企定定由得妳自己表演。於是每一球我都只係企係到，不過我唔係唔打波架，我只係打果D我雙腳唔洗郁，就咁伸手就打到嘅波
 




結果?大家都應該諗到啦，我地以3-21大敗
 
教練見到咁樣，忍唔住捉我地兩個去訓話
 
「你地兩個做咩呀?一個就爭波打，一個就好似自由神像咁楝係到唔郁」
 
我地兩個都冇聲出
 
「話就第一次夾，都唔會差到咁呀?!」
 
「係…教練…」Jessie低頭同教練道歉
 
「總之下一次練波再出現呢d情況，我唔會放過你地兩個!!!解散!!!」
 
我同Jessie係互睥之下執野離開球場




 
就係我準備離開球場果時，Jessie行黎同我講野
 
「我前你後」
 
「妳冇問題咩?」
 
「你殺波好過我 ，我先讓俾你」
 
講完，佢就急步離開左學校
 
我返到屋企，係衣櫃拎左塊拍出黎
 
「始終你都係要復出……」
 
係我衣櫃內，仲有另外兩塊拍……
 
我拎住我果d塊拍去運動舖到再幫佢拉線，一塊搶快(適合擅長運用「平抽快擋」、「快速反擊」等戰術的選手使用)，一塊精準(適合擅長「拉吊突擊」、「全場拉調」的選手使用)。依據唔同對手類型而用唔同武器，不過我唯獨唔用，雖然我殺波係勁，但係我比較鍾意打反擊，係一剎那由守轉攻
 
係運動舖內，老細慢慢幫我拉線