投胎後竟然成為翻譯魔法師（魔法　冒險）: 3

我攞起其中一本書，封面一個簡單嘅魔法陣，書名寫住《魔法入門秘錄》，我求其翻開入邊嘅內容，發覺內容大概係講解魔法嘅來源、定義、以及性質，而且仲介紹咗不同嘅入門魔法。

「細路，你有興趣學魔法咩？」正當我睇得入神嘅時候，突然間有一把低沉嘅聲音從我身後響起，我立即嚇到拋起咗本書。我轉身一望，就發現一個身穿長袍，手扶拐杖嘅老人家係我後面出現，望落去都有80幾歲，身高卻好矮小，望落去真係1.2米咗有，應該真係唔係人類，唔通係矮人？但係矮人唔係應該好大大隻，佢望落去又唔似特別強壯喎⋯⋯

「呵呵呵⋯有客人到咗，我都冇好好招呼到，老夫真係失禮。我都未自我介紹添，我叫做埃爾登，但係呢度大部份都叫我「學者」，其實我都只不過係普通嘅讀書人，係呢一間書店嘅店主。」埃爾登伯伯溫和地向我自我介紹：「你應該都會估到我唔係人種，如果唔係我應該都係發育不良，呵呵呵⋯⋯其實我係一個地侏。」

「地侏？」我可能我真係唔太熟中世紀題材嘅網絡遊戲，所以對於當中嘅種族唔太熟，我仲以為多數魔法世界只係有精靈、矮人同人類。

「你未聽過我嘅種族？」
我搖一搖頭。

「都難怪嘅，我哋嘅種族好鍾意喺山丘入邊或者地底建立自己嘅「窩居」。呵呵⋯⋯」埃爾登伯伯講左一個諧音梗，然後呵呵地笑。唔知係咪地侏都好鍾意搞笑，不過睇嚟佢哋嘅笑點真係有啲低？又或者可能只係埃爾登伯伯特別鍾意講笑。

「地侏係群居嘅，好少會獨自居住，又好少會主動搬去其他種族嘅地方居住。有邊個好似我咁，想做一個獨居老人⋯⋯」佢攞咗張凳俾我：「如果你唔介意，不如等老夫同你介紹吓⋯⋯」

好啦⋯我承認我唔係太想聽，始終我怕趕唔切返去⋯⋯但係當聽故事咁，應該都可以算係上咗一堂閱讀課？補習地侏嘅知識⋯⋯真係估唔到去到異世界仲要讀書⋯⋯

地侏，生活的熱情和精力滲透著他那細小身體的每一寸地方。地侏的平均身高略高於3英尺，重約40~45磅。佢哋棕黃或褐色的臉龐通常掛著大大的笑臉，笑容上邊多數都會配有一個巨大嘅鼻子，而明亮的眼睛閃爍著興奮的光芒。
大部份地侏具有顯而易見的外表特征。相對於男性地侏自然生長的頭發來說，佢哋的鬍子被仔細打理著，彷彿鬍子代表着佢哋的個人形象。不過卻會經常變換風格，如剪成奇怪的分叉或是整齊的尖端，而埃爾登伯伯則是流着中國古代孔子一般嘅鬍子。地侏的服裝，盡管經常做成溫和的泥土色調，但卻精心的裝飾著刺繡、壓花或是閃亮的珠寶。

地侏其中一個最大嘅特點，就係幽默。（原來唔止埃爾登伯伯鍾意搞笑⋯）就算佢哋做咗任何糊塗事，佢哋都樂意在犯錯誤時進行自嘲。 




對佢哋而言，活著就是一件令人愉快的事情，佢哋會壓榨出他們3~5個世紀生命中的每一點的快樂。即係基本上佢哋成世人都咁快樂，唔似香港咁個個都抑鬱⋯⋯（究竟佢哋點做到⋯）除此之外，地侏對其他種族都十分有禮貌。對地侏來說表現出不友善或惡意是很罕見的，除非受到了極嚴重的傷害。
人類也許會在這麼長的生命中感覺到厭倦，精靈則會在佢哋生命長河中花費大量時間來品味世界上的美麗，但是地侏似乎會擔心盡管在這麼長生命裡，佢哋仍不能有足夠的時間來做佢哋想做的和想看的。

地侏在交談時，似乎不能將佢哋的想法很快的從頭腦中表達出來，主要原因係佢哋個腦諗嘢仲快過佢哋個嘴講嘢⋯當佢哋要對一系列話題提出想法和建議時，佢哋仍設法先仔細的傾聽他人的想法，並在過程中增加合適的驚訝或感激的感嘆句。 所以當你同佢地對話嘅時候，千祈唔好比佢哋嘅禮讓同埋過多嘅感情嚇親。
盡管地侏喜愛各種玩笑，尤其是諧音梗及冷笑話，但佢哋做事上都十分認真。

如果依家係打緊遊戲，你點擊地侏嘅屬性點數或者技能樹，幾乎你可以發現佢哋係全面發展，幾乎所有技能點都平均分布。（即係咩都識少少）可能就係因為佢哋好學嘅精神，加上長壽嘅祝福，往往令到佢哋有大量嘅知識可以幫助他人，同時間亦都完善佢哋嘅「技能樹」。地侏願致力於承擔更多重要的任務。許多地侏是經驗豐富的工程師，煉金術士，修補匠和發明家，整個亞奇洛大陸嘅每個國家，係每一個時期，都總會出現各種出色嘅地侏，基本上可以說得上世界每一個角落都有地侏嘅腳毛。

正如埃爾登伯伯所講，地侏們特別喜愛在多丘陵和樹木繁茂的土地上建立他們的家。他們居住在地下，但是比起矮人的來說有著更清新的空氣，更能享受著自然，和居住在地表世界的時間。（點都需要吸吓新鮮空氣可以話係佢哋嘅原則。）地侏們的家通過聰明的建造和簡單的幻術被很好的隱藏起來。受歡迎的訪客會很快被引導進入明亮、溫暖的地穴中去。而那些不受歡迎的則很難在同樣的地方發現他們的地穴。





每一個地侏由出生開始已經是一名好奇寶寶，地侏也許會參加冒險來作為觀察或探索世界的方式。作為珍寶和其他精致物品的熱愛者，一些地侏把參加冒險視作一個快速卻危險的獲取財富途徑，有不少地侏都是奇珍異寶嘅收藏家。不理會具體是什麼激勵他們來參加冒險的，就如同他們承擔的其他活動一樣，也許是他們的血脈之中本身就充斥着好奇的基因。地侏采用這種生活方式獲得了盡可能多的樂趣，盡管有時，對他冒險伙伴來說是個很大的煩惱⋯⋯

地侏係有亞種，深地侏（或地底地侏），成小社群散居著在幽暗地域。唔好以為佢哋長期住喺地底以及幽暗嘅地方，性格就會變得陰沉。事實上係其實佢哋同其他地侏一樣，對任何人都十分友善。然而，佢哋的幽默感和熱情因壓迫的環境而受到抑制。深地侏善於創新的專長，大多表現為石造工藝。

「就係咁，你依家應該對於地侏加深左唔少認識啦。」埃爾登伯伯眼咪咪望住我。

「大致上都明白，真係好多謝你，今日我又學咗好多嘢。」我放低第三杯嘅爆漿苺麥茶，向埃爾登伯伯點頭道謝。「真係打攪曬。」

「千祈唔好咁講，我倆有緣相遇，你又願意聽老夫囉嗦，係老夫嘅榮幸。」埃爾登伯伯指向我剛才手上那本書，饒有興趣地問我：「你對呢本書有興趣咩？你唔介意嘅，老夫就送俾你，作為彼此嘅見面禮吧。」

「吓！咁⋯咁點好意思啊⋯⋯我又冇準備咩禮物⋯⋯」我唔好意思咁想放低本書，但係佢用拐杖擋住我嘅手
「請你收咗佢，就當係老夫嘅一番心意。如果真係想答謝老夫，有時間就過來拜訪一下吧！」埃爾登伯伯慢慢收拾茶具：「小弟點稱呼？」

「在下姚志信，你亦可叫我彼得，日後請務必多多指教。」唔知係咪聽得多伯伯講嘢，突然間講嘢都好似文縐縐。





「呵呵⋯⋯咁我就叫你彼得啦！」埃爾登伯伯滿意地點點頭：「咁老夫繼續打理一下，有興趣就自行參觀一下，有咩需要就找我吧？」

我點頭道別，便打算離開，因為時間都所剩無己。正當我打開門，令到門鈐響起，我突然間諗到一啲嘢⋯
「埃爾登伯伯，我有事想請你幫忙⋯⋯」